RevistaNadal

32m², ButacaZero

Posted on by
Nuria Gullón e Xurxo Cortázar nun dos ensaios | Serxo González

Mar e Xan son unha parella fóra do común que vive nunha rutina común ata que, de súpeto, o mundo detense e as súas vidas vense reducidas ás catro paredes do seu piso de 32 m². O novo espectáculo da compañía viguesa ButacaZero, formada por Esther Carrodeguas na dramaturxia e Xavier Castiñeira na dirección, é un enredo que pon en escena o confinamento derivado da pandemia da COVID-19. Sobre as táboas, Nuria Gullón e Xurxo Cortázar, con música orixinal do xenial Rodrigo Cuevas, escenografía e iluminación de Bea de Vega e vestiario de Alicia Root. En palabras de Castiñeira, 32m² é «máis que unha obra de teatro, unha forma de reaprendermos desde a indulxencia». A compañía considerou que a situación actual era idónea para lle dar unha volta ao clásico Á espera de Godot, de Samuel Beckett, e achegalo a estes tempos de máscaras e xel hidroalcohólico. Porque, que pode ser máis absurdo que o feito de sentir alleo o propio fogar? Carrodeguas convídanos a unha viaxe«cara ao noso pasado, do que esperamos que nos axude a vivir o futuro». O venres 12 e o sábado 13 –xusto un ano despois de todo–, podemos entrar no lar de Mar e Xan desde as butacas.

#culturasegura #nonnoscanceles

Banner A Movidiña

Data e hora: Venres 12 e sábado 13, ás 20.00 h

Lugar: Auditorio Municipal do Concello de Vigo

Entrada: 8,00 €

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.
X