UVIGO
FILLOAS

Vinte e tres furanchos participan este ano no San Brais de Bembrive

Publicado o por

A festa xa arrancou en Bembrive. San Brais celébrase oficialmente o 3 de febreiro pero estas semanas xa podemos achegarnos a parroquia viguesa e comezar a nosa ruta polos 23 furanchos que participan nesta edición.

Unha das festas favoritas dos romeros de Vigo e arredores volve a celebrarse este ano por todo o alto. Falamos do San Brais, a festa máis popular da parroquia de Bembrive. O cocido, o viño e a música tradicional son os ingredientes principais desta romería, que celebra o seu día grande o próximo venres día 3 de febreiro.

Nesta nova edición, participan 23 furanchos repartidos por toda a parroquia. Os máis anticipados penduraron o letreiro de aberto a pasada fin de semana, pero será a partir do venres 27 de xaneiro cando todos abran as portas. Nestes garaxes e bodegas reconvertidos durante uns días en furanchos atopamos viño e licores a esgalla, tapas tradicionais e moita música. Aínda que o prato por excelencia do San Brais é o cocido a maioría de establecementos ofrecen tapas típicas como tortilla, zorza ou pementos.

Unha das novidades deste ano é que, paralelamente a música improvisada que podemos vivir en calquer momento nos furanchos, desde o pasado día 13 a comisión de festas está organizando diferentes actuacións musicais. Esta noite a partir das 21:00 h o cuarteto Os Furancheiros amenizará coa súa música a parroquia ao igual que mañá o farán O Melidaos a partir das 20:00 h. O domingo en sesión vermú, ás 12:30 h, actuarán Lume de Cana Folk no palco dos Novelos. O cartel o completan Os Podridos (venres 27), Pelepau (sábado 28), a banda de gaitas Charamuscas e Treboada do Baixo Miño (domingo 29), Regueifas Caruncho e Benito (xoves 2) e Banda Cultural de Alcabre (venres 3).

Aínda que todos estamos convidados a levar e tocar o noso instrumento tradicional, hai furanchos que non o deixan todo o azar e programan as súas propias actuacións musicais. É o caso do furancho Endulza tu vida, situado no camiño dos Novelos, que hoxe acolle a actuación de Algarabía e mañá a da Batucada Bate no Cobre. O venres 27 a banca local Os Vacalouras estarán repartindo estopa nun dos furanchos que máis xente nova congrega durante estas festas.

CAMELIAS NADAL
The following two tabs change content below.
My Twitter profileMy Facebook profileMy LinkedIn profileMy Instagram profile

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.