REVISTA ABRIL

Un oasis feito illa

Publicado o por

Na Illa de Arousa, nos seus sete quilómetros cadrados de natureza, mar e tempo, Andrea Fernández dá vida a un paradisíaco microcosmos pensado para crear e comunicar a través da arte. En 2013, tras formarse en Publicidade e Comunicación e estudar un mestrado en obra gráfica, Andrea decide darse unha oportunidade a si mesma para facer o que de verdade a apaixona: contar historias e ilustrar. Así nace un espazo para xente con ganas: La Platanera.

REVISTA ABRIL

Un lugar para desconectar do mundo e conectar cun mesmo, para aprender serigrafía cerámica, macramé, caligrafía, bordado ou para facer cianotipia nunha praia paradisíaca. Un espazo máxico e aberto a todos que ofrece obradoiros de fin de semana para principiantes e para expertos e que acolle aos seus visitantes cos brazos abertos e sempre disposto a empaparse de novas ideas. Ademais, se estás a pensar nunhas vacacións diferentes, este verán La Platanera abre as portas e organiza, por quinto ano, as Residencias Banana: un retiro artístico para desconectar, inspirarse, practicar ioga e praniama, asistir a diversos talleres creativos e descubrir a Illa. Non che parece un plan perfecto para botar uns días lonxe do mundanal ruído?

Se xa te convencín de que o que necesitas é visitar este pequeno reduto en plenas Rías Baixas, onde o tempo se para e a arte asolaga todo, non dubides en apuntarte a algún dos obradoiros de La Platanera, en ir de vacacións a un dos seus retiros espirituais, ou en mercar un agasallo orixinal para alguén especial na súa tenda online… visita laplatanera.com e empeza a escribir a túa propia aventura. Seguro que volves cos zapatos cheos de area e historias.

[Esta entrevista pertence á revista A movida de Xuño. Se queres comezar a recibir un exemplar na túa casa, apoiar o noso proxecto e participar en numerosos sorteos, faite #AMOVIDALOVER nesta ligazón. ]

The following two tabs change content below.
My Instagram profile

Estela Gómez

Estela naceu no 92 (o ano de Cobi) preto do mar. É filóloga e correctora literaria, cirurxiá de textos, amiga das redes sociais e ten un interese case innato pola moda e a cultura. Estela é aprendiza de todo e especialista en nada, ten incontinencia verbal crónica, e, grazas á mellor das sortes, as palabras danlle de comer.