Malahostia, moda con moito xenio

Unha firma feminina que inspira os seus produtos no carácter galego cun nome moi contundente: Malahostia. Victoria Feijóo, a muller tras a marca, ten como obxectivo normalizar, dinamizar e contribuír a prol da nosa lingua. Cunha bagaxe de historia e tradición, confecciona pezas modernas para terminar co prexuízo de que en Galicia vivimos atrasados e incomunicados e que temos unha cultura revella.

Esta marca tamén quere dar a coñecer outros proxectos feitos no país, xa sexa con colaboracións ou utilizando as redes sociais a modo de revista dixital. As súas pezas, cantándolle á Candeloria, con lemas como «Dura de roer» e con ditos populares como «Outra vaca no millo» fan que os nosos armarios rezumen identidade, cultura e deseño. Unha colección para un presente perfecto.

@malahostiadesenho | malahostiadesign.com

Estela Gómez
Correctora literaria e redactora de contidos

The following two tabs change content below.

• Bio
• Últimos posts

Estela Gómez

Estela naceu no 1992 preto do mar. É filóloga, escritora e correctora literaria, amiga do analóxico, a cultura e a moda vintage. No 2021 foi unha das dez escritoras seleccionadas da Residencia Literaria da Cidade da Cultura dirixida por Javier Peña. No 2025 publicou a súa primeira novela. Poderás atopar a Estela na biblioteca, no cine, no museo, no teatro, nun concerto ou no centro da cidade lendo un libro ao sol.

Últimos posts de Estela Gómez (ver todos)

• Ortigha: Tecido de emocións - 29 Maio, 2026
• Dos Nudos: Catro mans, dous nós - 16 Abril, 2026
• A forza do delicado: as xoias de vidro de Toda Frágil - 11 Marzo, 2026
• Xoias para un ‘look’ total - 6 Febreiro, 2026
• Dez ideas de regalo local para este Nadal - 10 Decembro, 2025