Swing contra o racismo

Publicado o por

A escola Swing On, coñecida na cidade polas súas festas na rúa arredor da música e cultura swing dos anos 30 e 40 organizan este domingo unha sesión de conversa, múscia e danza arredor da situación de inxustiza racial e a loita na que se viu inmersa Estados Unidos durante esta semana.

O swing, un estilo de baile amplamente popularizado nas escolas de danza da nosa cidade, naceu nos anos 20 nos Estados Unidos como unha forma de poñer en movemento as músicas jazz e blues das décadas anteriores, modificándoas para tal cometido. Ademáis da propia evolución dos xéneros musicais e desta vontade de facelos máis bailables, atopamos nas súas raíces unha vontade de loitar contra a colonización que as persoas brancas estaban facendo das músicas negras, apropiándose dos devantitos xéneros e volvéndoos mundialmente coñecidos, co seu conseguinte lucro económico.

Parece entón un acertado punto de inicio o que propoñen para este domingo desde a escola de danza Swing On School: partir da música e a danza para explicar as situacións de supremacía e racismo que se dan en Estados Unidos, pero tamén no noso país e a nosa cidade.

REVISTA NOVEMBRO

A actividade comezará ás 16:30, para tomar un café e conversar sobre discriminación, seguido dun quizz, música, baile e cultura jazz. Na súa conta de Facebook, os organizadores anuncian que a cita será a través da plataforma de videochamada Zoom, nunha reunión aberta á participación de todo aquel que o desexe á que se accede premendo este link ou introducindo o seguinte meeting ID 845 3126 0005.

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Únete á loita contra o cancro de mama na VI Vigo Contra el Cáncer
  2. Escoita, baila e toca swing no Swing On Vigo SEA
  3. Os veciños de Freixo organizan actividades para loitar contra os lumes
  4. Gincana polo centro da cidade contra a gordofobia