Srta B: perfectamente despeiteadas
O salón de peiteado Srta B., no Progreso, é especialista en melenas coidadas e acabados naturais, tamén para as noivas e grandes ocasións.
![](https://amovida.gal/wp-content/uploads/2023/05/srta-b.jpg)
O efecto despeiteado é o que, paradoxicamente, bordan neste luminoso salón capitaneado por Bianca que loce na parede o lema “péinamelo despeinado”. Tintes e mechas con acabados moi naturais, ondas abertas, coletas desenfadadas… Srta. B é un referente para as que queren unha melena coidada e un acabado natural e favorecedor que sexa bo de manter na casa.
![](https://amovida.gal/wp-content/uploads/2023/05/srta-b-3.jpg)
![](https://amovida.gal/wp-content/uploads/2023/05/srta-b-2.jpg)
Srta. B abriu hai seis anos porque Bianca, que xa tiña experiencia e formación en perruquería, quería facer as cousas ao seu xeito; “vía acabados e técnicas en internet e preguntábame por que ninguén as estaba poñendo en práctica aínda en Vigo“. A apertada axenda do negocio dá boa conta de que a fórmula desta profesional, sempre alerta das tendencias máis favorecedoras, funciona. Srta B. leva crecendo desde que abriu e agora mesmo Bianca conta cun equipo de cinco persoas. Atenden nun espazo amplo, luminoso e moi acolledor, onde a madeira, as flores e o seu icónico sofá amarelo completan a experiencia polo ollos.
![](https://amovida.gal/wp-content/uploads/2023/05/srta-b-6.jpg)
![](https://amovida.gal/wp-content/uploads/2023/05/srta-b-5.jpg)
Nesta tendencia ao natural, a coloración faise de xeito diferente, con peite, para crear mechas finísimas que se esvaian coa nosa cor e sen necesidade de valerse de recursos tan incómodos e agresivos como o papel de aluminio ou a calor excesiva. Son un dos poucos salóns en Vigo que utilizan esta técnica, que levan anos desenvolvendo e pulindo. Como o coidado está no centro de todos os tratamentos, utilizan produtos de alta gama formulados con ingredientes naturais de Philip Martin’s. A marca italiana é coñecida pola calidade dos seus principios activos vexetais e ecolóxicos.
Para as noivas, en Srta. B apostan por coletas e trenzas nas que se inclúen cordóns con guechos soltos e con movemento, dando lugar a un estilo con moita frescura, elegante e orixinal. Tamén ofrecen un servizo de maquillaxe para vodas e outros eventos.
![](https://amovida.gal/wp-content/uploads/2023/05/Srta-B_Cedidas-1.jpeg)
![](https://amovida.gal/wp-content/uploads/2023/05/Srta-B_Cedidas-2.jpeg)
![](https://amovida.gal/wp-content/uploads/2023/05/Srta-B_Cedidas-3.jpeg)
![](https://amovida.gal/wp-content/uploads/2023/05/Srta-B_Cedidas-4.jpeg)
![](https://amovida.gal/wp-content/uploads/2023/05/Srta-B_Cedidas-5.jpeg)
![](https://amovida.gal/wp-content/uploads/2023/05/Srta-B_Cedidas-6.jpeg)
Eduardo Iglesias, 20 | 886 09 27 82 | @srta.b_hairsalon
Paula Cermeño
Últimos posts de Paula Cermeño (ver todos)
- The Wild Fest, tres días de lecer na natureza, tamén para os nenos - 23 Xullo, 2024
- Se Cadra: croquetas e cachopos ao pé de Churruca - 17 Xullo, 2024
- VigoCultura avanza que Fernando Tejero, Talía Teatro ou Danny Boy-Rivera formarán parte do programa de outono - 10 Xullo, 2024
- Cinema a Pedal, dez bicis para prender un proxector - 5 Xullo, 2024
- Encordass Fiddle Fest, Orgullo, swing e concertos esta fin de semana en Vigo - 27 Xuño, 2024