Serrat á conquista do Atlántico co seu Mediterráneo – A Movida

Serrat á conquista do Atlántico co seu Mediterráneo

Cúmprense 47 anos de Mediterráneo, o tema máis emblemático de Serrat. O cantautor catalán non quere agardar ao medio século para recuperar aquelas dez pezas que compuñan o LP que o consagrou como artista. Chega a Vigo coa xira ‘Mediterráneo da capo’ coa que está a percorrer España e o levará por Europa e América.

Non sabemos que sería de Serrat se tivera interpretado en Eurovisión o La, la, la que finalmente levou a Masiel á primeira posición. Pouco antes do certame o cantante barcelonés rexeitou participar tras a negativa de RTVE a que interpretase o tema en catalán. Probablemente, é ese carácter o que fai que con 75 anos poida presumir de encher os mellores escenarios do mundo. En 1971 consagrouse como artista grazas a Mediterráneo, un tema e un álbum que como el mesmo ten admitido só lle ten dado ledicia. Unha oda a esa patria líquida que el tanto ama e que máis aprende apreciar canto máis sae fóra. E por iso, que para celebrar o 47 aniversario de Mediterráneo embárcase nunha xira de 100 concertos coa que percorrerá España, Europa e América.

Este sábado ás 23:00 horas actúa en Castrelos acompañado por un sexteto composto por Ricard Miralles (piano) Josep Mas Kitflus (teclados), David Palau (guitarra), Vicente Climent (batería), Tomás Merlo (baixo) e Uxia Amargós (viola). Que soará Mediterráneo non é ningún segredo. O público tamén escoitará os outro 9 temas que compuñan o álbum, entre os que se atopan algúns tan lendarios como: Lucía, Pueblo blanco, Aquellas pequeñas cosas o Barquito de papel.

O concerto de Serrat este sábado en Castrelos será unha velada para brindar a man á costa Este e deixarnos contaxiar da súa calma e calidez.

The following two tabs change content below.
Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.
Compartir
X