REVISTA ABRIL

Rande Turismo ofrece rutas diarias pola ría de Vigo a bordo dun antigo bateeiro

Publicado o por

Hoxe levantou áncora Rande Turismo, un novo proxecto que ofrece rutas regulares pola Ría de Vigo a bordo dun antigo bateeiro. Estes paseos en barco inclúen guía turístico, degustacións gastronómicas e a posibilidade de ver o solpor desde o mar.

Este verán temos un novo plan para achegarnos ao Vigo máis mariñeiro. Desde xa, Rande Turismo ofrece rutas diarias a bordo dun antigo bateeiro para descubrir todos os segredos do mar. En cada saída un guía acompañará ao grupo de viaxeiros e lles contará, entre moitas outras cousas, porque a nosa ría é unha das mellores zonas de producción de mexillón e de pesca de baixura.

REVISTA ABRIL

O aforo máximo do barco en cada saída é de 10 pasaxeiros, polo que se trata dunha actividade en grupos de pequeno tamaño que farán que a experiencia sexa única. O paseo pola ría vai acompañado dunha degustación de mexillóns e ten unha duración aproximada de dúas horas. Tamén ofrecen unha ruta ao atardecer, que permite aos pasaxeiros contemplar o espectacular solpor na Ría de Vigo coas Illas Cíes de fondo.

As rutas do mexillón e do atardecer están dispoñibles de martes a domingo de xuño a setembro en horario de 12 a 14h a primeira e de 19 a 21 ou de 20 a 22 (dependendo do mes) a segunda. Tamén está previsto que organicen rutas Starlight e Illa de San Simón e dan a posibilidade de alugar os barcos de forma privada.

Na súa web randeturismo.com, temos toda a información sobre estas rutas e xa podemos realizar as reservas. Todos a bordo!

The following two tabs change content below.
My Twitter profileMy Facebook profileMy LinkedIn profileMy Instagram profile

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.