Professor Cumberland, prendas vintage con moita maxia

Publicado o por

Professor Cumberlan é unha marca de roupa vintage, seleccionada por Carlos Tomico: mago e bailarín de swing. As prendas desta tenda online teñon moito dos seus dous mundos e seguen un estilo clásico, atendendo á perdurabilidade e calidade e facendo gala da xastrería tradicional.

Fotos: Denis Carballás

Ademais dun estilo de música e baile, o swing pode ser un estilo de vida, unha filosofía amparada pola alegría que transmiten os seus movementos e cunha estética moi ligada aos anos vinte, trinta e corenta, cando se prodigaron os salóns deste tipo de baile nos Estados Unidos. Carlos Tomico é profesor de swing, mago e fundador dunha marca de roupa vintage, moi ligada ás súas profesións e á súa identidade, que naceu durante as súas viaxes por Europa.

O nome da firma tomouno dun famoso mentalista vitoriano capaz de atopar obxectos ocultos polo público nunha sala. Ese interese por sacar tesouros á luz está no proceder deste negocio, que percorre os mercados de Ámsterdam, Francia ou Portugal na procura de pezas únicas, que reflictan o look clásico e formal das primeiras décadas do século pasado. Nesta tenda dixital atopamos chaquetas americanas, gravatas, pantalóns, tirantes e xemelgos de segunda man para contaxiarnos do estilo swing e vestilos dentro e fóra da pista de baile.

O emprendedor é un apaixonado da xastrería tradicional, sos tecidos de calidade e das prendas feitas á man e con esta iniciativa quere achegarlles aos compradores estes coñecementos sobre vestimenta vintage. O obxectivo é poñer en valor os modos de facer máis pausados e pensados para durar con que se producía a roupa hai un século e que todos poidamos gozar deste legado.

Web: cumberlandvintage.com

Instagram: @cumberland_vintage

Facebook: @cumberlandvintage

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Compass: unha academia con moita clase
  2. O Entroido vigués arranca con música, cor e moita troula
  3. O Apalpador chega con castañas e moita animación
  4. Alberto Iriarte (Iseo&Dodosound): “Moita da xente que nos sigue agora coñeceunos en directo, non online”