COSTEIRASONORA
REVISTA VERAN

Pedro Méndez (Trepia Gastronomía): ‘Agora temos dous restaurantes nun’

Publicado o por

En Vigo temos un bar para cada 210 habitantes, un dos ratios máis altos da península e só hai que pasear polo centro nun día de sol para constatar o que todos sabemos: gústanos xuntarnos arredor dunha mesa e quen máis quen menos bota de menos que o sorprendan no seu restaurante favorito. E os hostaleiros, botarannos de menos a nós? Trepia reabriu como local con servicio a domicilio o día 4 de abril, o primeiro que a lei o permitía, despois de levar dous meses tomándose moi en serio aquilo de ‘reinventarse ou morrer’ para garantir o seu éxito á volta. Falamos con Pedro Méndez, un dos socios de Trepia Gastronomía que nos explica as novidades coas que espera seguir conquistando padales nesta nova etapa.

Pedro Méndez, propietario do restaurante Trepia

Que tipo de cociña ofrecedes en Trepia?

Facemos o que queremos. Moitos dos nosos pratos teñen como base a cociña galega, pero sempre nos gusta experimentar. A nosa proposta é bastante cambiante e non temos un estilo nin un prato que nos poida definir. De feito, a partir de agora traballaremos un concepto bastante distinto.

Como vos afectou a pandemia?

Moito. Plantexámonos abrir nun primeiro momento, pero a nosa cociña non é para levar nun táper

Sen embargo agora mesmo si que ofreces cociña a domicilio. Que cambiou?

Pois que adaptámonos ás novas circunstancias de dous xeitos: facendo cambios na carta, incorporando pratos aptos para o reparto e abrindo unha nova marca, BaoVigoBar. Esta última é a nosa maior aposta para os vindeiros tempos, unha carta composta únicamente de pan baos, pero que elaboramos na propia cociña do Trepia. Poderíamos dicir que agora temos dous restaurantes nun. Outra das novidades é que pedimos permiso ao Concello para montar unha terraza e contamos con ter dúas mesiñas.

Continuaredes cos baos unha vez normalizada a situación dos restaurantes?

Sen dúbida. Probablemente centrado no reparto a domicilio.

BaoVigoBar, o novo nicho de Trepia Gastronomía

Que cambios incorporastes no voso xeito de traballar?

Prácticamente ningún. A nosa forma de traballar xa incluía todas estas ‘novas’ medidas de hixiene, polo que non nos supón unha adaptación. De feito, sorpréndeme que algúns restaurantes se queixen de ter que limpar ou desinfectar os espazos de traballo. Paréme básico nunha cociña nesta época e en calquera outra.

Botadesen falta apoios ou información á hora de volver ao traballo?

Si, o lío informativo é total. Tamos dúbidas constantemente sobre se podemos ou non facer algo ou se recibiremos ou non algunha axuda económica do Goberno. Nin as asesorías se poñen dacordo.

Como viviremos o ocio e gastronomía en Vigo nos próximos meses?

Vai ser complicado. Eu creo que tardaremos en abrir ao público e seguiremos servindo comida a domicilio durante bastante tempo. Non creo que apeteza vir a un restaurante para ver aos teus amigos a dous metros ou detrás dun cristal.

Esta entrevista forma parte da serie #HistoriasDaDesescalada, un retrato por fascículos sobre como a cidade de Vigo esperta na ‘nova normalidade’ no que aportaremos os puntos de vista dos diferentes actores culturais, desde artistas a axitadores, sen esquecer as salas e a todos aqueles que, dun xeito ou outro, fan a súa achega diaria ao ecosistema cultural vigués.

SONRIAS
The following two tabs change content below.

Paula Cermeño

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.