O trazo vigués que lle pon cara á realidade de Cuba
A artista viguesa, Elena Alonso, expón a súa obra sobre a realidade de Cuba, tomando como protagonistas ás e aos cidadáns cubanos que viven na diáspora de Berlín e na propia illa. A exposición que pasou polo Centro Provincial das Artes Plásticas e do Diseño (Santiago de Cuba) na actualidade pode visitarse no espazo de arte Rosalux de Berlín.
![](https://i0.wp.com/amovida.gal/wp-content/uploads/2019/04/ay-mija-no-es-facil.jpg?fit=860%2C484&ssl=1)
Ay, mija, ¡no es fácil! é o nome que recibe a exposición da artista viguesa Elena Alonso. Trátase dun proxecto de pintura participativa que retrata a transformación de Cuba desde os anos 90. Desta vez, a historia a escriben as e os protagonistas do cotiá cubano, que expoñen as súas preocupacións e a súa propia mirada da realidade grazas aos trazos de Alonso.
Desde a caída da Unión Soviética, nos anos 90, a República de Cuba experimentou unha importante transformación, que trouxo consigo un cambio no paradigma social. Segundo explica Elena Alonso, esta situación modificou o contexto político, económico e social da illa caribeña, contradicindo, coas desigualdades, o obxectivo socialista fundamental.
![](https://i2.wp.com/amovida.gal/wp-content/uploads/2019/04/ay-mija-es-dificil-2.jpg?fit=860%2C860&ssl=1)
Para tomar o pulso a esta situación desde o íntimo, Alonso recolle testimonios autobiográficos dos participantes, que acudiron ao proxecto, Ay, mija, ¡no es fácil!, mediante unha chamada nas Redes Sociais, como base para unha serie de pinturas máis unha peza audiovisual. A exposición estrouse en Santiago de Cuba no ano 2018 e, no tempo que estivo aberta ao público, as e os visitantes participaron nun diálogo coa autora, que máis tarde engadiría estas conversas á obra. A versión final deste traballo mostrouse por primeira vez na capital, en A Habana.
Alonso aclara que a súa intención foi ir máis aló da historia oficial para centrarse, así, na experiencia da propia poboación. As pinturas pasan, deste xeito, a crear un espazo no que as e os cubanos comparten a súa propia narrativa, a do cotiá.
![](https://i1.wp.com/amovida.gal/wp-content/uploads/2019/04/ay-mija-es-dificil-3.jpg?fit=860%2C703&ssl=1)
A artista viguesa Elena Alonso propón con esta obra de arte o rexeitamento da idea dunha identidade homoxénea e coloca nun espazo protagonista ás distintas voces que forman unha realidade, aceptando, ao mesmo tempo, as contradicións que puidesen existir.
Na actualidade a exposición atópase na cidade de Berlín, no Rosalux, ata o 11 de maio.
Eva M. Porto
Últimos posts de Eva M. Porto (ver todos)
- Pablo Rodríguez: «En Madrid vendeuse máis en galego que en castelán» - 11 Maio, 2020
- Ana Fontenla: «Hai moita calidade na literatura galega, creo que é unha bomba que vai estoupar» - 11 Maio, 2020
- Mónica Bernández e Miguel Lima: «O galego fai barrio e o barrio fai galegofalantes» - 11 Maio, 2020
- Miss Toxo, 50% haterismo e 50% feminismo - 16 Maio, 2019
- Coruxo Móvese pola inclusión - 7 Maio, 2019