O noso mar, marca

En decembro de 2015, con menos de 150 euros no peto, tres estudantes deciden crear unha tenda online para vender o seu principal deseño: unha camiseta coa silueta e as coordenadas das illas Cíes. En pouco tempo, esa idea converteríase en todo un éxito.

Na actualizade, María e Rubén levan o temón de Fillos do Mar, marca empapada do espírito das Rías Baixas, que ten como protagonistas os monumentos dos nosos mares. Tras a marca hai persoas de carne e óso con opinións sólidas que comparten sen ter lixos na lingua. Alén de nos achegar os seus deseños, adoitan facernos partícipes das súas posturas sobre de temas controvertidos: o coidado do medio ambiente, o feminismo ou a liberdade animal. Por se isto fose pouco, colaboran en causas como a reforestación tras o incendio das Neves de 2017, o fomento do deporte co patrocinio do Club Deportivo AMFIV (Asociación de Minusválidos Físicos de Vigo) ou a axuda activa a diversos centros de acollida e protectoras de animais. Entre as súas propostas, atopamos camisetas riquiñas ou rabudas, suadoiros para que chova ou neve, pulseiras mariñeiras feitas con cabos e áncoras, licor café e viño da casa. Este verán procuran fuxir un chisco da roupa do resto do ano, para se centrar nos complementos, como mochilas e gorras, tan prácticos para lucir nos concertos e festivais desta época.

En fillosdomar.com tes todo o catálogo dispoñible. Se prefires a compra en tenda física,  achégate a Vaidhe, no número 7 da rúa de Carral, e leva o que máis che guste.

Por Estela Gómez

[Esta reportaxe pertence á revista A movida de verán de 2019. Se queres comezar a recibir un exemplar na túa casa, apoiar o noso proxecto e participar en numerosos sorteos, faite #AMOVIDALOVER nesta ligazón. ]

The following two tabs change content below.

• Bio
• Últimos posts

Estela Gómez

Estela naceu no 1992 preto do mar. É filóloga, escritora e correctora literaria, amiga do analóxico, a cultura e a moda vintage. No 2021 foi unha das dez escritoras seleccionadas da Residencia Literaria da Cidade da Cultura dirixida por Javier Peña. No 2025 publicou a súa primeira novela. Poderás atopar a Estela na biblioteca, no cine, no museo, no teatro, nun concerto ou no centro da cidade lendo un libro ao sol.

Últimos posts de Estela Gómez (ver todos)

• Tikismikis: cerámica con esmero - 13 Marzo, 2025
• Norat crochet, na cabeza coas mans - 21 Febreiro, 2025
• Volve escribir a man con Panda Bohème - 18 Decembro, 2024
• Nove ideas de regalo local - 5 Decembro, 2024
• Triqueta Editora, pequenos grandes lectores - 7 Novembro, 2024