O Marco exhibe as fotos da Maratón Fotográfica de Vigo – A Movida

O Marco exhibe as fotos da Maratón Fotográfica de Vigo

Onte pola tarde entregáronse os premios do XXIII Maratón Fotográfico de Vigo que, por primeira vez reunirá tódalas fotografías no Museo MARCO.

O pase de diapositivas require JavaScript.

Arredor das oito da tarde, no Anexo do MARCO, numerosas persoas esperaban nerviosas o veredicto do xurado. Jesús Nieto, presidente da Asociación Fotográfica Galega, non se fixo de rogar e anunciou os tres gañadores. Jaime Rebollo alzouse co primeiro galardón, María Isabel Santos co segundo e o terceiro para José R. Alarcón que se levaron 1000, 500 e 300 euros respectivamente.

Desde a AFG destacaron o feito de que despois de 23 edicións, esta foi a primeira na que a categoría de fotografía analóxica quedou baleira. Outros anos a participación nesta modalidade era entre o 2 e o 3%.

Tamén resaltou que cada ano o xurado e a tematica varían. Nesta edición as palabras clave coas que había que saír a fotografar eran: calma, múltiple, resistencia e inolvidable.

Como novidade nesta edición, o MARCO acolle unha mostra de todas as fotografías das últimas cinco edicións do evento.

The following two tabs change content below.

Beatriz Barros Alonso

Licenciada en Comunicación Audiovisual e cun afán de contar historias fixo un máster en guión audiovisual. Os derroteiros da vida a levaron a traballar no mundo da web e no deseño gráfico no que agora dedica case o 100% do seu tempo. Pero sempre sen deixar de lado a súa paixón por contar historias, xa sexa con lapis e papel ou cunha cámara polas rúas do seu querido Vigo
Compartir
X