O Festival Creativa leva ao histórico Cine Vigo parte da súa programación

As ilustradoras María Gómez e Cristina Sardá , xunto ao deseñador catalán Diego Feijóo e a banda de pop Nutrias son algunas das novas incorporacións ao festival, que celebra a súa terceira edición os días 25 e 26 de abril en varios espazos de Vigo.

O Festival Creativa presenta o seu cartel completo, revelando os nomes dos artistas e creadores que particiarán na edición deste ano, que terá lugar os días 25 e 26 de abril. O cartel do festival inclúe nomes destacados da escena creativa local, nacional e internacional, ofrecendo propostas innovadoras grazas ao respaldo principal de Cervezas Alhambra. Creativa incorpora a súa programación á ilustradora andaluza María Gómez, que se converteu nun dos referentes da ilustración nacional. Ademais, tamén se unen ao cartel o deseñador Diego Feijóo, membro da Alliance Graphique Internationale, a ilustradora Cristina Sardá que levará a cabo un obradoiro infantil, e os grupos Nutrias e Visera que presentarán os seus novos discos en directo.

O evento ofrecerá unha variada programación de actividades en diversos espazos da cidade, incluíndo o histórico Cine Vigo, que reabrirá para a ocasión. Estes emblemáticos cines da cidade abriron por primeira vez as portas en 1961 coa proxección de Tu a Boston y yo a California, agora volverán ser escenario da cultura, acollendo algunhas das charlas do festival. A Galería Maraca e La Plaza del Pueblo Gallego acollerán o resto de actividades do festival.

Este ano Creativa volverá levar a creatividade á rúa, acollendo un Mercado Gráfico que se realizará en La Plaza del Pueblo Gallego no que participan cincuenta artistas de todo o país. Como novidade, encheranse de arte os escaparates da Rúa Doctor Cadaval e Eduardo Iglesias, con creacións en directo de ilustradores galegos como Roberto Argüelles, Sandra Lodi, Agustina Shuan e Nuvi&Éxco.

Ademais, como cada ano terá lugar unha nova edición de Charlas Maraca, na que oito actores da escena creativa e cultural galega presentarán o seu traballo e proxectos nunha serie de coloquios. Entre os invitados estarán: a ceramista Lili Algo, o estudo de deseño ourensán Casa Pransa, o podcast Desfacendo Galicia, os deseñadores industriais Lagomonroy, o proxecto Rural Hackers, etc.

Estes son os nomes que conformarán o cartel deste ano:

• Genie Espinosa: Unha das ilustradoras e autoras de cómics máis importantes do momento. Gañadora do premio Miguel Gallardo como autora revelación do 40 Salón do Cómic de Barcelona e do premio Ojo Crítico de RNE de cómic 2021, estará en Creativa cunha exposición do seu traballo que se caracteriza por un estilo vibrante e colorido.
  
• Javier Jaén: Deseñador gráfico barcelonés coñecido internacionalmente pola súa capacidade para crear imaxes que invitan á reflexión e ao humor. O seu traballo caracterízase por unha linguaxe visual sinxela pero potente, chea de dobres sentidos e metáforas e colaborador habitual de medios como The New York Times, El País, etc.
  
• Le Petit Patito: Arquitecta e creadora de contido dixital que conquistou cos seus máis de 100k de seguidores as redes sociais cun estilo único e o seu humor ácido. Coñecida pola súa irreverente crítica ao mundo inmobiliario.
  
• Javirroyo: Un dos ilustradores e humoristas gráficos máis recoñecibles do país, cun traballo que se caracteriza por un estilo minimalista e un humor intelixente e a miúdo absurdo. As súas viñetas, que adoitan aparecer en prensa e redes sociais, exploran situacións cotiás e temas de actualidade cunha mirada crítica e divertida.
  
• María Gómez: Con 350k seguidores en Instagram e co seu estilo fresco, irónico e reivindiactivo, converteuse nun dos referentes da ilustración nacional.
  
• Brosmind: Son un estudio de ilustración con sede en Barcelona fundado polos irmáns Juan e Alejandro Mingarro. O seu traballo caracterízase por un estilo colorido, detallado e cheo de humor, que combina elementos da ilustración tradicional con técnicas dixitais. Traballaron en campañas para marcas como Nike, Honda, Microsoft ou Coca-Cola.
  
• Up&Up: Este proxecto da madrileña Lucía Zapata é unha iniciativa que se centra en conectar persoas e lugares únicos a través da creatividade e a exploración. É un proxecto en liña internacional que alberga a máis de 100 artistas en 16 cidades de 14 países. Ser parte deste proxecto “Unique People & Unique Places” reflicte o enfoque en resaltar persoas e localizacións cun valor especial.
  
• Mario Eskenazi: Recoñecido como un dos grandes referentes do deseño gráfico en España e Premio Nacional de deseño, falará sobre o seu traballo que é sen dúbida historia do deseño mundial.
  
• Cristina Sardá: É unha recoñecida ilustradora que con traballos para marcas como Zara ou El País, centrou o seu estilo no mundo editorial e, especialmente, no infantil. Por iso traerá para os máis pequenos un Taller de creatividad para mentes intrépidas. O obradoiro será con inscrición gratuíta e limitada que abrirá nun par de semanas.
  
• IseeFaces Studio: Son un dúo residente en Copenhague formado polo VJ Matei Petrescu e a deseñadora María Meiga. Encherán o escenario de Creativa con unhas intervencións visuais acompañando ao proxecto de música electrónica Belish.
  
• A programación musical completarase co concerto da banda Nutrias, que emerxeu con forza na escena musical alternativa coa sua mistura de sons que transitan entre o pop, o punk e movementos alternativos de finais dos 80 e principios dos 90. E tamén coa presentación de Flores y diosas, o novo traballo de Manu G. Sanz, recoñecido na escena underground galega con proxectos como Selvática, que agora se sumerxe en melodías pop.
  
• Marinita y sus Maromas: Esta compañía de teatro travesti e cabaret presentará un dos seus espectáculos. Os seus shows caracterízanse por estar cheos de humor, música e unha estética que mestura elementos do cabaret clásico coa cultura drag.
  
• AR/DE: Trátase do Arquivo do Deseño Gallego, unha iniciativa da Asociación Galega de Deseño (DAG). Este proxecto ten como obxectivo principal preservar e difundir o patrimonio do deseño en Galicia.

Con este cartel co nome de trinta creativos de primeiro nivel, e co recente galardón como Mellor evento cultural de Galicia nos Premios Paraugas, o Festival Creativa consolídase como unha das citas culturais de referencia, sendo un espazo de encontro para creadores, profesionais e amantes da cultura contemporánea.