VIALIA
MAGIC LAXE

O Cirque du Soleil volve a Galicia cun orixinal espectáculo en pavillóns

Publicado o por

O Cirque du Soleil, a compañía circense máis importante do mundo, regresa a Galicia co espectáculo Corteo, unha orixinal proposta pensada para pavillóns onde o escenario se situa no centro do recinto. A compañía canadense estará no Coliseum da Coruña do xoves 24 de abril ao domingo 4 de maio, onde realizarán ata 13 actuacións. Xa podes mercar aquí as túas entradas desde 40 euros.

Corteo, a produción en pavillóns máis encantadora de Cirque du Soleil volve a Europa e visitará España para deleitar ao público. Esta produción única, dirixida por Daniele Finzi Pasca, estreouse por primeira vez en Montreal baixo a Gran Carpa en abril de 2005. Desde entón, o espectáculo sorprendeu a máis de 10 millóns de persoas, en 22 países distintos de 4 continentes. Corteo visitará por primeira vez A Coruña.

Corteo, que significa cortexo en italiano, é unha procesión alegre, un desfile festivo imaxinado por un pallaso. O espectáculo reúne a paixón do actor coa graza e o poder do acróbata para mergullar ao público nun mundo teatral de diversión, comedia e espontaneidade situado nun espazo misterioso entre o ceo e a terra.

O pallaso imaxina o seu propio funeral o cal leva a cabo nun ambiente de entroido, vixiado por silenciosos anxos da garda. Xustapoñendo o grande co pequeno, o ridículo co tráxico e a maxia da perfección co encanto da imperfección, o espectáculo resalta a forza e a fraxilidade do pallaso, así como a súa sabedoría e amabilidade, para ilustrar a porción de humanidade que hai dentro de cada un de nós. A música vólvese lírica e rebuldeira levando a Corteo a través dunha celebración atemporal na que a ilusión se burla da realidade.

REVISTA NOVEMBRO

Por primeira vez no Cirque du Soleil, o escenario atópase no centro do pavillón e divide o lugar, con cada metade do público fronte á outra metade, o que brinda unha perspectiva única non só do espectáculo, senón tamén da vista dos espectadores por parte do artista. Unha atmosfera como nunca se viu nos espectáculos de pavillóns de Cirque du Soleil. O conxunto de cortinas, inspirado na Torre Eiffel, e as cortinas centrais, que foron pintadas a man, dan unha sensación grandiosa ao escenario. Isto establece o ton para a poesía de Corteo.

Datas

Xoves, 24 de abril de 2025, ás 20:30 H.
Venres, 25 de abril de 2025, ás 20:30 H.
Sábado, 26 de abril de 2025, ás 16:30 H. e ás 20:30 H.
Domingo, 27 de abril de 2025, ás 16:30 H. e ás 20:30 H.
Mércores, 30 de abril de 2025, ás 20:30 H.
Xoves, 1 de maio de 2025, ás 20:30 H.
Venres, 2 de maio de 2025, ás 20:30 H.
Sábado, 3 de maio de 2025, ás 16:30 H. e ás 20:30 H.
Domingo, 4 de maio de 2025, ás 12.30 H. e ás 16:30 H.

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.