O 85 Corpos fainos bailar para celebrar o Día Internacional da Danza

Con motivo da celebración, o vindeiro luns 29, do Día Internacional da Danza e por segundo ano consecutivo, o colectivo 85C organiza o 85Corpos, un completo programa de tres días centrado na expresión artística a través do corpo. Tamén a programación do Concello estará dedicada a esta disciplina durante a fin de semana. Plans non faltan para mover o corpo en Vigo.

Os rapaces do 85corpos horas antes de comezar a edición deste ano | 85C

O 85 Corpos é un dos poucos festivais adicados á danza cos que contamos na nosa cidade. Está organizado polo colectivo 85C, unha asociación informal de artistas viguesas responsables dunha chea de actividades feministas e imaxinativas que enchen de seguido as nosas rúas, como o Festival nas Berzas ou o propio 85C. Desta vez, propóñennos mover con elas o corpo e a mente a través de jam sessions, faladoiros e proxeccións que teñen como nexo común a danza. Advertimos que non será un festival ao uso. Non nos sentaremos nunha butaca a ver actuar a outros. Elas queren sacarnos bailar, ‘saibamos’ ou non e demostrarnos as vantaxes de expresarnos a través do movemento. Pagará a pena seguro, pois o único risco está nas maniotas do luns, así que tomen nota:

As actividades comezan o venres 26, cunha jam session na Sala Kominsky a partir das 21:30 ca que a organización quere ‘levar a danza aos espazos non convencionais e invitar á comunidade a divertirse xogando co propio corpo e co corpo das demais’.

O sábado a programación desprázase ao Almacén Cultural onde a partir das 13h falarase de baile e cultura urbana para despois poñer en práctica o aprendido nunha jam de danza urbana que, de novo, pretende a confluencia de profesionais e amadores, tímidos e raíñas da pista; en definitiva, todo aquel que queira disfrutar do corpo e da compañía. Ás 18:30, tamén no Almacén cultural, terá lugar a única exhibición do programa: ‘Encontrarte en lo oculto’, interpretada polos usuarios da Fundación Igualarte e coreografiada por Juan Cid, quen guiará outra jam aberta despois do espectáculo. Xa pola noite, a compañía de danza Beehive organiza a Macarena War!, unha batalla de baile na que tanto ten se non sabes bailar. Será a partir da medianoite na Sala Doppler.

O 85 Corpos continúa o domingo, aínda que de forma máis repousada. Na última xornada trasládase á Cova dos Ratos, onde Olga Cameselle falará do futuro da danza. Poderemos quedar alí a comer e, de sobremesa, a proxección do filme “Blush” de Wim Vandekeybus e unha mesa redonda na que afondar na situación do sector da danza na nosa cidade, unha das artes máis ninguneada.

En definitiva, vaian estirando como poidan na casa, que esta fin de semana as rapazas do 85C vannos facer suar.

26abr23:0085corposDANZA | Taquilla inversa23:00 Sala Kominsky

27abr13:0085corposDANZA | Taquilla inversa13:00 O Almacen Cultural

27abr23:5985corposDANZA | Taquilla inversa23:59 Sala Doppler

28abr12:0085corposDANZA | Taquilla inversa12:00 A Cova dos Ratos

27abr18:45Día Internacional da DanzaDANZA | De balde18:45 Praza da Princesa

26abr21:00LA DESNUDEZDANZA | 8,00€21:00 Auditorio Municipal do Concello

27abr21:00PLASTICDANZA | 8,00€21:00 Auditorio Municipal do Concello

28abr18:00AKARIDANZA | 5,00€18:00 Auditorio Municipal do Concello

The following two tabs change content below.

Paula Cermeño de Sáa

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.
Compartir
X