REVISTA ABRIL

Juan Pablo Pérez (Wild Fest): ‘Hai que saber reinventarse e ser flexibles’

Publicado o por

Juan Pablo Pérez é un dos organizadores de Wild Fest, un festival nado o verán pasado que aúna música, deporte, gastronomía, cinema e mercadiño ecolóxico no enclave natural do Parque forestal de San Miguel de Oia. Foron un dos primeiros certames en tomar a decisión de adiar o seu evento, que se celebrará a primeira finde de setembro, e non en xullo como estaba previsto. Pérez cóntanos como un proxecto tan novo conseguiu sortear as dificultades e non tirar a toalla e cales serán as novidades da segunda edición do festival máis sostible de Vigo.

Pérez, no centro, acompañado do Concelleiro de educación e a Concelleira de cultura

Proxecto de recente creación con só unha edición ás costas, que vos motivou a crear o Wild Fest?

Somos unha asociación con experiencia na organización de eventos deportivos e con ganas de ir un pouco máis aló e facer unha proposta máis multidisciplinar e desde o punto de vista do coidado do medioambiente. Así naceu o Wild Fest, como un gran contenedor de experiencias culturais, gastronómicas e deportivas nun entorno natural.

Como vos afectou  pandemia?

Foi un pao duro tanto no estructural como no económico. Levamos traballando desde setembro no festival e facer tantos cambios non foi doado. Unha das novidades desta segunda edición ía ser involucrar aos escolares nas actividades do venres, cunha programación a medida sobre sostenibilidade e tecnoloxía. Iso xa non se poderá facer, coa conseguite pérdida do patrocinador. Tampouco poderemos ter un segundo escenario, como tiñamos planeado, por pérdida de financiamento.

Como afrontades a nova data? Tivestes que facer cambios no programa orixinal?

Temos a sorte de que moitos dos artistas que tiñamos no cartel confirmaron xa a nova data e o tempo extra estanos servindo para acabar de definir algunhas cousas. Unha das novidades deste ano será un concurso de bandas, que poñeremos en marcha esta semana e cuxo gañador abrirá os concertos do sábado. Ademáis reforzaremos as actividades para familias e nenos e adaptaremos os horarios para eles, por exemplo, adiantando a hora de inicio dos concertos ás 19:30 da tarde.

Outro dos cambios será a reducción no prezo da entrada. O venres haberá entrada libre e o sábado a prezo simbólico, máis baixo que o ano pasado.

Cres que saímos desta con máis conciencia social no coidado do medioambiente?

REVISTA ABRIL

É irrefutable que somos o principal problema para a Terra e non somos conscientes disto. O medo foi unha chamada de atención, pero cando pasa o medo esquecemos de novo as consecuencias das nosas accións. A partir de agora imos ver cambios sociais, tecnolóxicos e esperemos que tamén medioambientais, pero o proceso é máis lento do que debería.

Cales son os retos para os festivais na nova normalidade?

Hai que saber reinventarse e ser flexibles. Ninguén ten asegurado poder traballar en setembro, nin con que aforo, pero temos que seguir traballando.

The following two tabs change content below.

Paula Cermeño

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.