Visita guiada na exposición 'SOCIEDADE XXI'

A Casa das Artes organiza neste mes de outubro dous visitas guiadas pola exposición ‘Sociedade XXI‘ que está exposta na súa sala principal.

Para as visitas non fai falta apuntarse, e son completamente gratuitas. Nelas, o fotógrafo Juan Teixeira fará un percorrido pola exposición cos asistentes, explicando o contido, mensaxe, proceso de elaboración e calqueira outro tema que os presentes queiran coñecer sobre esta exposición fotgráfica que reúne 81 fotografías obtidas polo autor nos últimos 15 anos de viaxes por medio mundo, e que configuran un personal retrato da sociedade na que vivimos.

DATAS:
– Domingo 9 ás 12:00
– Sábado 15 ás 19:00