O festival Sinsal Primavera celebrarase na fin de semana do venres 19 e sábado 20 no MARCO e na Sala Radar. O evento contará este ano cunha programación conformada por cinco proxectos de vangarda liderados por mulleres  chegadas de distintos puntos da Península Ibérica, Suíza e Turquía. O Sinsal Primavera é a primeira cita do ano de Sinsalaudio, que suma á xa anunciada nova edición do Festival Sinsal, que se celebrará na illa de San Simón do 21 ao 23 de xullo.

PROGRAMACIÓN VENRES 19.

• Angélica Salvi (España) | MARCO. Venres 19, 20:30 horas

• Ece Canli (Turquía) – MARCO. Venres 19 ás 21:30h

PROGRAMACIÓN SÁBADO 20

• SUPERORGANISMUS (Suiza)

Tramontana e Luz González crean Superorganismus, unha peza electroacústica para flauta, viola, arpa e electrónica ao vivo. A proposta agroma coa intención de xerar música de forma cooperativa e horizontal. Aínda que as catro músicas sexan independentes, a electrónica de Luz González pode modificar o son de Tramontana, mais os instrumentos acústicos son a raíz sonora dun superorganismo que o público percibirá coma un todo. 

Sábado 20 ás 20:30h no MARCO.

Entradas á venta. (sirve para o concerto de Superorganismus + Ivankovà)

• Ivankovà (España) – MARCO. Sábado 20 ás 21:30h

• Ana Lúa Caiano (Portugal) – Sala Radar. Sábado 20 ás 23h