Presentación 'Versos en blanco y negro'

O último sábado da Feira, teremos o pracer de acoller a presentación e firma de exemplares do poemario de Andrés Rodríguez Meira, ‘Versos en blanco y negro’.

Este mozo vigués, cuxa infancia e adolescencia estiveron marcadas por un vórtice de sucesos e emocións, recolle na súa obra unha reflexión temperá sobre a morte, o desamor e a depresión, baixo a tinguidura da esperanza.

En palabras do autor, “son poemas namorados, poemas vestidos de loito, poemas agradecidos, poemas reflexivos, poemas furiosos… Todos eles reflexo do vaivén da vida”.