Carreira de bebés

Tras o éxito obtido en pasadas edicións, o Centro Comercial Camelias organiza a terceira edición da Carreira de Bebés, que terá lugar o sábado 22 de xuño ás 12 horas na planta alta ca área comercial e será presentada por Rony Macarrony. Nesta divertida carreira poden participar bebés de ata 12 meses que demostrarán a súa velocidade no gateo. As prazas están limitadas a 18 corredores, por orde de inscrición. Para apuntarse só é necesario enviar un email á dirección: info@ontyche.com poñendo como concepto “Inscrición Carrera 400 CMS Lisos para Bebés” antes do venres 21 ás 14:00 h.

Para o primeiro clasificado haberá de agasallo unha tarxeta bono de 100€ para compras en establecementos do Centro Comercial, para o segundo unha tarxeta de 50€ e para o terceiro clasificado unha de 30€. Ademais ToysRus, Gadis e Prenatal, tendas presentes no centro comercial repartirán premios entre os participantes.