Melendi en Castrelos

Melendi actuará no Auditorio de Castrelos o próximo sábado 17 de agosto. O coñecido cantautor asturiano, famoso polos ritmos pop e flamencos e letras emotivas, visitará Vigo dentro da xira “20 Años Sin Noticias” co que celebra 20 anos do lanzamento do seu disco debut Sin Noticias de Holanda.  Melendi anunciou 10 únicas datas desta serie de concertos especiais nos que reinterpretará parte do repertorio dos seus primeiros discos e incluirá cancións que leva máis de 15 anos sen cantar, ademaisdos seus éxitos máis emblemáticos.

Entradas á venda o martes 6 de agosto

A venda para o último dos concertos do Vigo en Festas 2024 terá lugar o vindeiro martes 6 de agosto, seguindo o novo sistema posto en marcha polo Concello de Vigo. Poderanse adquirir un total de 5.000 localidades, 4000 de xeito presencial no Auditorio de Castrelos e 1000 en liña.

Para facilitar o acceso de toda a cidadanía, independentemente do seu horario de traballo, as entradas sairán en dúas quendas (en horario de mañá de 9:00 a 14:00 horas e pola tarde de 16:00 a 21:00 horas). En cada quenda estarán á venda 2000 reservas físicas e 500 de xeito online a través de www.vigoenfestas.cliqueo.es.

Cada persoa poderá retirar 4 reservas nominativas, co que terán que acudir cunha copia do DNI (ou outro documento identificativo) das persoas para as que queira adquirir a reserva. No caso do artista galego o prezo será de 15,00 €.

Consulta a programación completa a Castrelos nesta ligazón.

13 xullo – Dani Fernández – 121.000 €
17 xullo – Una casita con encanto (infantil) – 18.137,90 €
20 xullo – Coral Casablanca – 44.165 € (adiado ao día 27 por chuvia)
23 xullo – Luis Fonsi – 245.630 €
25 xullo – Sen Senra – 116.765 €
31 xullo – Las orejas de mariposa (infantil) – 10.012,75 €
2 agosto – Luz Casal – 167.585 €
3 agosto – Aitana – 786.500 €
5 agosto – La cajita de los sueños (infantil) – 17.774,90 €
7 agosto – UB40 – 291.368 € (CANCELADO)
9 agosto – Ópera: Rigoletto – 48.763 €
12 agosto – Cantajuego (infantil) – 46.101 €
14 agosto – Víctor Manuel – 205.700 €
16 agosto – Vetusta Morla e Xoel López – 332.750 €
17 agosto – Melendi – 350.900 €