Guns n Roses + The Pretenders

12xuñ20:00Guns n Roses + The PretendersCONCERTOS | Desde 60,00€20:00(GMT+02:00) Balaidos

Detalles do eventos

A banda de hard rock Guns N’Roses actuará o 12 de xuño ás 21:30 no Estadio de Balaídos. Unha das bandas de rock máis exitosas chega a Galicia por primeira vez na súa traxectoria. Antes, ás 20:00, actuará a famosa banda anglo-estadounidense de pop rock The Pretenders.

A agrupación formada en Los Angeles en 1985 volve as estradas este 2023 cunha xira que os levará por Oriente Medio, Europa e América do Norte durante o verán e o outono. O de Vigo será o terceiro concerto desta xira que arranca o 5 de xuño en Tel Aviv e continúa logo en España con só dúas datas: Madrid o 9 de xuño e Vigo tres días despois. Axl Rose, Slash e compañía traerán o seu poderoso directo ao estadio vigués cun repertorio cargado de hits entre os que posiblemente estean clásicos como ‘Sweet child O’Mine’, ‘November rain’ ou ‘Welcome to the jungle’.

Despois de 21 anos sen concertos, Muse volveu facer soar a música no Estadio de Balaídos o pasado verán. Tras o concerto, enmarcado dentro dos grandes espectáculos do Xacobeo, tanto o Celta, para conmemorar os seus 100 anos de vida, como o Concello anunciaron que este 2023 o recinto acollería grandes concertos. Con este anuncio, feito pola propia banda a través da súa web e redes sociais coñecemos a primeira sorpresa que o Concello tiña preparadas para este verán.

Máis información sobre a historia da banda

O prezo das entradas oscila entre os 55,00 € e os 120,00 € máis gastos de xestión. Concretamente, as entradas para ver ao grupo estadounidense desde as primeiras filas da pista é de 120,00 €, nas filas de atrás o custe é de 85,00 € máis gastos de xestión. Mentres que as entradas para ver o concerto desde as gradas teñen tres prezos difrentes: 90,00 €, 70,00 € e 55,00 € máis gastos de xestión.

Entradas



Máis

Hora

(Luns) 20:00(GMT+02:00)

Localización

Balaidos

Avda. de Balaídos, s/n, 36210 Vigo, Pontevedra

Other Events