Guateque APAR

A Asociación Párkinson de Vigo (Apar) visibiliza o 11 de abril, o Día Mundial do Párkinson ao longo de todo o mes con numerosas actividades e eventos co fin de dar a coñecer a realidade da devandita enfermidade e concienciar sobre a mesma. Ademais, súmase ao obxectivo da Federación Española de Párkinson que coa súa nova campaña pretende sensibilizar á sociedade sobre a necesaria intelixencia emocional como habilidade para empatizar coas persoas con párkinson e a súa contorna de coidados e, ademais, poñer en valor a importancia das conexións humanas e a intelixencia emocional como ferramenta para a mellora da calidade de vida das persoas con Párkinson e a súa contorna de coidados. Con esas intencións, o concepto creativo refórzase co lema principal “A mellor rede á que conectarse é a de persoas que empatizan con persoas. Reivindiquemos a intelixencia emocional”.

O primeiro gran evento da Asociación Parkinson Vigo, para inaugurar o seu mes grande, foi o pasado 3 de abril coa Xornada Informativa e de Sensibilización sobre o Párkinson no Auditorio Municipal do Concello de Vigo para o cal contou coas intervencións do Dr. Lorenzo -Xefe do Servizo de Neuroloxía do Hospital Ribeira Povisa-, de Nicolás Piedrafita – dietista nutricionista en Fix Saúde e Deporte e no Sistema Galego de Saúde- e de Araceli Aguilera – afectada de Parkinson de inicio temperán e unha das autoras do libro Á sombra do Párkinson. A esta iniciativa seguírona as casetas de rúa, puntos de información en Príncipe, no Calvario, no Hospital Ribeira Povisa e no Hospital Álvaro Cunqueiro. Pero sen dúbida, o acto con carácter máis lúdico e social será este xoves 18 de abril, ás 17h, coa gran celebración dun guateque no xardín exterior da comunidade de veciños na que se sitúa a Asociación Parkinson de Vigo (Pateira, 11, Edificio Rivera Atienza). O evento está aberto a todo o público co obxectivo de dar a coñecer a realidade da entidade e as súas pequenas instalacións, así como tamén de fomentar a parte social e estar aínda máis preto da poboación.

E o día 26, ás 11 horas, Parkinson Vigo poñerá o broche final ao seu mes grande co acto conmemorativo xunto ao monumento polas persoas que loitan e loitaron contra o Párkinson, na Praza da Estrela.