Escola de Rock Paredes de Coura

O Concello de Nigrán pechará este xoves ás 19:00 horas no campo de fútbol de Lourido o tour 2021 da Escola de Rock de Paredes de Coura (Portugal). No mesmo participarán alumnos e profesores da escola de rock local ‘Gain Over’ co fin de intercambiar experiencias e coñecementos. No espectáculo, de entrada libre e con aforo limitado por protocolo covid-19, o público asistente poderá gozar de versións de temas clásicos do rock e contemporáneos, prestando especial atención a cancións que marcaron a historia do festival desta vila lusa. A Escola do Rock Paredes de Coura naceu en 2014, na terra do icónico Festival Paredes de Coura, contribuíndo ao fomento deste xa clásico romance entre a vila e o rock’n’roll.