A Illa da Deslembranza

A Illa da Deslembraza volve á Sala Ártika, un espectáculo para toda a familia.

Os recordos da avoa de Uxía van e veñen como as ondas do mar e o seu ollar mesmo parece perderse nun océano profundo. Que lle está a pasar? Como Uxía, unha nena de dez anos pode axudar a recuperar eses recordos ou, tal vez, acabarán todos na illa da deslembranza?

A Illa da deslembranza da compañía Ártika é un traballo creado a base de metáforas e gran forza visual que achegará aos máis cativos un tema tan importante como o alzheimer. Iso si, este achegamento farase dun xeito fermoso e suxestivo. Unha obra dirixida principalmente a un público infantil pero que axudará tamén a que os máis maiores se acheguen a esta enfermidade dende o punto de vista dunha nena.

Hora:

Sábado 26 de febreiro de 2022 ás 18:00h

Domingo 27 de febreiro de 2022 ás 18:00h

Duración: 50 minutos

Idade: +6anos