BannerCulturgal

Esenza Pilates, gozar de estar ben

O centro do que aquí falamos ofrece dúas actividades principais: pilates e aeroioga, perfectas para relaxar corpo e mente. O aeroioga triunfa como a práctica máis divertida, xa que se realiza coa axuda de teas penduradas do teito que actúan coma un columpio. É unha disciplina que engancha, pois é moi doado notar melloras nas posturas ao pouco de iniciarse, cousa que anima a atreverse con posicións novas. Isto implica que o corpo estea máis solto, gañe forza e axuda a descansar e durmir mellor. «As teas actúan coma se fosen unha persoa que axudase a acadar e manter posturas», explica Rafael García, que canda Vanesa Alonso leva 10 anos con Esenza Pilates.

Despois do confinamento a xente está a darlle máis importancia a estas actividades, explica García, «pois logo de tanto tempo parados ou de pasar días estáticos traballando na casa, vese necesario estirar o corpo e disipar o estrés». En Esenza Pilates ofrécese un trato moi próximo, con clases adaptadas ás necesidades de cada cliente, sesións privadas para a atención individualizada ou grupos reducidos para todas as idades no chan, con accesorios e máquinas, ademais do aeroioga.

Gañar elasticidade e ton muscular, corrixir e mellorar a postura corporal, a circulación sanguínea, a respiración e o benestar é moi doado coas actividade de pilates e aeroioga, pero ademais tamén imparten sesións de quiromasaxe, reflexoterapia e reiki.

The following two tabs change content below.

Alberte Mera

Coa paixón na comunicación, o audiovisual e o deseño, Alberte Mera é consultor de comunicación en Vigo, cidade onde naceu no 87. Despois de licenciarse pola UVigo en Comunicación Audiovisual, ampliou a formación co Máster en Comunicación e Industrias Creativas e co certificado de profesionalidade de Márketing e Comunicación. Ten dirixido varias longametraxes documentais e colabora na organización de iniciativas sociais e culturais.

Últimos posts de Alberte Mera (ver todos)

X