BannerRevistaSetembro21

Descubre a pesca con Bluscus

Bluscus é unha empresa de turismo mariñeiro fundada en 2014 por Pablo Mariño que ten como principal misión propiciar o encontro entre visitantes e a cultura do mar. En Bluscus ofrecen paseos en embarcacións tradicionais para coñecer as diferentes rías galegas, paseos guiados pola Illa de Ons, visitas ás mariscadoras ou cofradías e excursións para practicar pesca deportiva. Todas elas recomendables tanto para foráneos como locais e que buscan ofrecer alternativas aos circuitos tradicionais do turismo.

Pablo Mariño leva o seu destino impreso no apelido desde que naceu. Primeiro através da profesión do seu pai e avós, todos mariñeiros, e , xa crecido, na empresa que fundou no verán de 2014: Bluscus, un emprendemento turístico baseado na sostibilidade e a trasmisión de coñecemento no que ensina á xente como é a vida ligada ao mar, desde o marisqueo, ata os tipos de embarcacións, pasando pola observación de baleas ou o descubrimento de aspectos históricos do noso anaco de océano. Para iso colaboran “con cofradías e traballadoras que nolo explican de primeira man” deste xeito dan visibilidade ao sector e poñen en valor o seu traballo e resultados.

Banner A Movidiña

Unha tarefa moi necesaria “especialmente para os que vivimos aquí”, apunta Mariño, en referencia ao descoñecemento que temos os locais sobre cuestións que suceden tan preto de nós, como a sementeira dos moluscos, o impacto do lixo que producimos na terra sobre o ecosistema mariño, como é o traballo nunha conserveira ou por que o marisco galego é tan saboroso.

Unha das actividade estrela que ofrecen para este verán é a observación de pesca con artes tradicionais, ou, se che pica a curiosidade, podes probar sorte coa caña nunha saída de pesca, apta para expertos e principiantes, xa que o patrón do barco conta con ampla experiencia en pesca para guiarte na aventura e Bluscus facilita as licencias e instrumentos precisos. As xornadas de pesca poden ser de 2 ou 4 horas e actualmente teñen abertas tres opcións de saídas: Pesca na Illa de Arousa, Pesca de lubina na Ría de Arousa e Xornada de pesca en Fisterra. A diversión está asegurada, non así volver a casa con algún exemplar.

Policarpo Sanz, 14, 3.º-B | 657 63 59 99 | info@bluscus.es | @bluscus

The following two tabs change content below.

Paula Cermeño

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.
X