Camiño a camiño organiza rutas de sendeirismo e visitas ás Cíes na súa programación de primavera

O programa de educación ambiental de Vigo, Camiño a camiño ofrece rutas de sendeirismo, excursións ás Illas Cíes, acompañamento de cans do refuxio e formación en hortas urbanas entre marzo e xuño. Todas as actividades son de balde.

As actividades máis demandadas do programa son os percorridos a pé guiados, que este ano porán o foco nos ríos. Aprimeira xornada transcorrerá a caón do Lagares, desde Cabral ata Castrelos, mentres que nos seguintes catro domingos camiñarase seguindo o trazado do Miño, desde Cortegada ata a desenbocadura en Santa Tegra. Como en edicións anteriores, en maio organizaranse dúas visitas ás illas Cíes, para coñecer a diversidade de fauna e flora do arquipélago. Tamén se levará a cabo a décima edición da Andaina polos montes de Vigo e unha ruta nocturna polo Galiñeiro.

Dende o luns 24 de marzo poden realizarse no 010 (986810260 dende móbil) as inscricións ao primeiro percorrido medioambiental. Este ano aumentouse o número de praza ata 465 nas nove actividades, dado o éxito de edicións anteriores.

Programa de andainas:

• 30 de marzo- Senda azul do Lagares (Cabral-Castrelos).
• 6 de abril – Río Miño I: Augas termais de Cortegada.
• 13 de abril – Río Miño II: Encoro de Frieira-primer marco de Portugal.
• 27 de abril – Río Miño III: Río Tea-Salvaterra do Miño.
• 4 de maio – Río Miño IV: Desembocadura do Miño-Santa Tegra.
• 11 de maio – X Andaina polos montes de Vigo.
• 18 e 25 de maio – Visitas ás Illas Cíes.
• 31 de maio – Ruta nocturna polo Galiñeiro

A implicación da cidadanía nas hortas urbanas é outro dos puntos destacados de Camiño a camiño. A día de hoxe existen sete espazos espallados pola cidade destinados ao cultivo de hortalizas e aromáticas para uso doméstico: Sadomela (Cabral), Fontáns, Navia, Pedro Alvarado (Teis), Ramón Nieto e Camelias. Todas elas ofrecen un curso básico de horta os días 1, 2 e 3 de abril no propio espazo. A inscrición é gratuíta e xa se pode realizar no 010 ata a data previa aos respectivos cursos

Por outra banda, o programa de educación medioambiental municipal tamén comprende actividadesde voluntariado noutros ámbitos. Todos os sábados, de 10:00 a 13:00 h celébrase un voluntariado urbano no monte da Guía; e os martes e xoves de 16:00 a 19:00 h un especializado en sendeiros. Ambos programas arrancan o 25 de marzo para as persoas inscritas en anos anteriores. Ademais os mércores de 9:30 a 12:30 h e os sábados de 9:00 a 11:00 h o Refuxio de animais abandonados de Vigo (Candeán) ten en marcha un programa de acompañamento de cans que leva en funcionamento.