Beflamboyant, camiñando cara a sostibilidade
Detrás da marca Beflamboyant están Jorge e Tatiana, unha parella galega comprometida a ter un impacto positivo no mundo. Amantes dos animais, apaixonados da natureza salvaxe, fanáticos das zapatillas de deporte e guerreiros baixo o lema #ZeroWaste. Foron estes ideais os que que os levaron a crear Beflamboyant, preocupados pola sostibilidade e o consumo consciente. Sen coñecementos previos na industria da moda, pero cheos de entusiasmo e enerxía positiva, esta parella quere cambiar o presente no sistema da moda traballando de forma activa e constante para reducir a pegada da industria téxtil. En Beflamboyant están constantemente aprendendo, mellorando e evolucionando para ofrecer un mellor produto, mentres que nos animan a actuar agora para un mellor mañá baixo o lema #DoingChange.
Beflamboyant naceu nunha viaxe na que nos demos conta do irreversible que é a pegada que as marcas, os consumidores e todos nós estamos a deixar no planeta e o moito que o noso futuro depende das decisións que tomemos hoxe para mellorar o noso presente. Esta marca é, polo tanto, o resultado dun soño conxunto de crear un proxecto de moda sostible e responsable co medioambiente, así como coas persoas e os animais, que, ademais, pretende ter un impacto positivo no noso lugar de orixe. O nome da marca é un xogo de palabras: «be», do verbo «ser», e «flamboyant», que en inglés significa «extravagante, único, diferente». Ademais, o Flamboyan é unha árbore incrible, dos máis coloridos do mundo coas súas flores vermellas e alaranxadas. Por iso o selo da marca é unha árbore, moi relacionado coa súa filosofía de respecto pola natureza e o planeta.
Beflamboyant é unha marca vegana, sostible, feita baixo condicións xustas. A súa filosofía trata de cambiar a forma na que consumimos, concienciando á nosa comunidade. De feito, podes ver na súa web a frase «Non compres Beflamboyant se non necesitas un par de zapatillas. En serio. Non o fagas». A súa misión por cambiar o sistema de moda e a forma en que consumimos é real e pasa por reciclar, reutilizar e repensar o que é unha tendencia e o que é realmente necesario. Se aínda así queres comprar un par de zapatillas xeniais, adiante, faino e faino a conciencia: elixe un deseño orixinal, feito con materiais ecolóxicos de calidade, cunha produción e cadea de subministro responsables.
Entre os seus produtos máis destacados atopamos Manimal (129,95€), unha zapatilla altamente reciclada, con pel de millo, forro de bambú e cordóns de algodón orgánico. A súa sola proporciona a máxima comodidade con cada pisada. Manimal é duradeira e rapidamente converterase no teu básico de armario. Ademais, atoparala na súa web en cores diferentes. Por se o anterior fose pouco, o seu packaging é # ZeroWaste e inclúe unha bolsa de yute e unha tarxeta con sementes que poden plantarse.
Pero Manimal non é o único modelo que nos ofrece Beflamboyant, senón que no seu amplo catálogo atoparás una morea deles. Por exemplo, a súa elegante primeira colección Black Coco (129,95€); Street Vainilla (129,95€), o seu modelo máis urbano e confortable, unha zapatilla feita para durar unha eternidade. E, por último, os modelos Ux68-Sand (129,95€) e Life Loto (99,95€) dous clásicos da marca feitos con materiais altamente reciclados que son un fondo de armario ideal para todos e todas.
Podedes ir probar e mercar as zapatillas ao showroom que teñen en Pontevedra cidade e podedes enviarlle un WhatsApp para resolver calquera dúbida que teñades ao 986 861 652.
Pisa forte e coida o teu Planeta!
Web: www.beflamboyant.com
Facebook: @beflamboyant
Instagram: @beflamboyant.brand
Dirección: Rúa Pintor Luis Seoane Nº1 Bajo derecha 36003 Pontevedra
Estela Gómez
Últimos posts de Estela Gómez (ver todos)
- Triqueta Editora, pequenos grandes lectores - 7 Novembro, 2024
- Newt Crafts, artesanía arraigada - 27 Setembro, 2024
- Éxfico Clothing, recortes con estilo - 16 Xullo, 2024
- Noc Noc Estudio, a moda chama á porta - 21 Xuño, 2024
- Malahostia, moda con moito xenio - 27 Maio, 2024