Baiona bota o pulso ao mal tempo

Baiona desafía á choiva, ao vento e ao frio e celebra a súa festa máis emblemática: Arribada

O pase de diapositivas require JavaScript.

Na mañá do domingo o mal tempo deu unha tregua e baionenses e foráneos encheron as rúas de Baiona para celebrar a 23 edición da Festa da Arribada. Os ritmos medievais, os postos de artesanías e por suposto os de comida deron vida á vila. Ás doce do mediodía o tradicional desfile medieval saía da Fortaleza para adentrarse e animar as rúas da vila. A comitiva encabezada por un grupo de gaiteiros estaba formada por cabaleiros de armas, arqueiros, realeza e un alegre grupo de bufóns que interpelaba a xente para que participase da festa.

Cada vez máis xente doutras partes de Galicia e de fóra do país se achega á vila a empaparse do espítito medieval e a conmemorar unha data que marcaría o transcurrir da historia: fai agora 525 anos a carabela Pinta arribaba a Baiona coa nova do descubrimento de América. Esta tarde ás 20:00 e mañá ás 18:00 representarase a chegada da Carabela na praia da Ribeira, este é un dos actos centrais da festa.

Arribada Baiona Rúa Lorenzo de la Carrera, S/N, 36300 Baiona, Pontevedra

02mar(mar 2)10:0004(mar 4)22:00ArribadaFESTA | De balde10:00 - 22:00 (4) Baiona

Detalles do evento

A Festa da Arribada conmemora a chegada da Carabela Pinta ao porto de Baiona o 1 de marzo de 1493, coa nova do descubrimento de América. A Arribada é un

Máis

Detalles do evento

A Festa da Arribada conmemora a chegada da Carabela Pinta ao porto de Baiona o 1 de marzo de 1493, coa nova do descubrimento de América. A Arribada é un evento turístico, cultural e histórico para tódalas idades, co que Baiona desexa transmitir o sentir de todo un pobo que homenaxea con orgullo, e o maior rigos histórico posibles, aos seus antepasados e ao exemplo que deixaron.
Os actos festivos arrancan o venres ás 10:00 da mañá pero será na fin de semana cando se desenvolverán a maioría dos eventos. Haberá un extenso mercado medieval, representación dos distintos gremios da Idade Media, desfiles, demostracións de esgrima e artes marciais históricas europeas, cetraría, tiro con arco, torneo de xogos medievais e diferentes funcións teatrais entre que destaca a representación de ‘Arribada do descubrimento’.

Podedes consultar a programación complenta no seguinte enlace: http://www.baiona.org/c/document_library/get_file?uuid=8f4d06b8-bd61-4423-a5fb-33e85f94caab&groupId=10904

Hora

2 (Venres) 10:00 - 4 (Domingo) 22:00

Lugar

Baiona

Rúa Lorenzo de la Carrera, S/N, 36300 Baiona, Pontevedra

Ler máis no enlace | Mercar entradas

The following two tabs change content below.

• Bio
• Últimos posts

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.

Últimos posts de Tamara Novoa (ver todos)

• David Amor: “O da sorte é unha escusa de mediocres” - 14 Febreiro, 2019
• Troula e tradición nos furanchos de San Brais - 31 Xaneiro, 2019
• El Gran Wyoming: “Saio de El Intermedio coa cabeza coma un bombo, véñome a facer un rock & roll e volvo novo” - 14 Decembro, 2018
• Rock & Roll polos nenos máis desfavorecidos - 12 Decembro, 2018
• Vigo cobra vida no ‘Velén’ con V - 25 Novembro, 2018