bannerTerraCeo

bannerRevistaOnline

Actividades para “ver moito e saber moito” no Día do Libro en Vigo

As persoas que desexen festexar o Día do Libro dispoñen de diferentes opcións dentro da axenda cultural da cidade. Contacontos para as e os máis cativos, obradoiros infantís, descontos, un skape room con Jules Verne como protagonista ou a firma de libros de Chámame señora, pero trátame coma a un señor son soamente algunhas destas posibilidades.

Bookcrossing | MARCO

A cidade recenderá a literatura este 23 de abril. Un Skape room, contacontos, visitas guiadas, descontos e ata accións solidarias son algunhas das actividades que acolle a cidade para festexar o Día do Libro.  Unha data que conmemora a morte de autores como Wiliam Shakespeare, Miguel de Cervantes ou Inca Garcilaso de la Vega. Precisamente, un de estes escritores, o creador do famoso personaxe Don Quijote de la Mancha, sostiña que aquela persoa que le moito e anda moito, ve moito e sabe moito; accións que se poderán levar a cabo grazas a estes eventos.

Para comezar esta andaina que recomenda o escritor alcalaíno, a Biblioteca Juan Compañel prepara diversas actividades. Desde as 12:00 horas ata as 18:00 horas, organizaranse visitas guiadas e, ao seu remate, terá lugar unha sesión de contacontos na que Ana Carreira mergullará ao público en diferentes historias. Ademais, exponse “libros e cidade: rúas e relatos, camiños converxentes”.

A seguinte parada ten nome de muller. O centro comercial El Corte Inglés acolle na quinta planta a firma dos libros Chámame señora, pero trátame coma a un señor de Inma López silva ás 16:00 horas e a partir das 18:00 horas, as autoras Isabel Blanco e Luz Beloso asinarán Rosaura e o mar. Pola súa banda, no centro de Documentación e Recursos Feministas, ás 19:00 horas,  preséntase o libro Novas masculinidades. O feminismo a (de)construir o homen” de Jorge García Marín.

As nenas e os nenos tamén teñen cabida neste percorrido co obradoiro intantil do Museo do Marco A-z en xogo, a partir das 17:00 horas. Unha actividade na que se creará un particular taboleiro de xogo e fichas, utilizando diversas técnicas para, logo, crear historias a partir de letras e imaxes. De seguido, ás 18 horas, é o momento do maratón Sabidurius. Trátase dun entretemento baseado nas palabras xunto coas súas definicións, orientadas á imaxinación e á escrita.

Banner A Movidiña

Jules Verne deixará tamén a súa particular pegada na celebración do Día do Libro na cidade co Escape Room creado por EsKapark. O imaxinario do escritor será o protagonista de quebracabezas e enigmas coa ciencia e tecnoloxía como tema central. As mozas e os mozos que queiran participar neste circuíto de 60 minutos terán que dirixirse ata a Biblioteca Xosé Neira Vilas ás 19:30 horas.

Pero, para ler moito é preciso encher as nosas estantarías de libros. A libraría Cartabón ofrece un desconto do 10% sobre o prezo dos libros. Ao igual que os grandes almacéns El Corte Inglés. Así mesmo, o Marco súmase outro ano máis á experiencia de Bookcrossing, compartida con outras 54 bibliotecas de museos e centros de arte. A partir das 12.00 horas liberaranse diferentes volúmenes dos seus fondos na fachada principal da Rúa Príncipe e noutros puntos da cidade.

Cinco euros, un kilo de libros. Con esta premisa a libraría solidaria Aida Books & More celebra o Día do Libro. Así, o prezo do total dos libros que se acaben levando será independente do número de exemplares. Terase en conta o total do seu peso. Unha boa oportunidade para echer a maleta de novas adquisicións para este ou futuros viaxes nos que ver moito e saber moito.

Missing Event Data
Missing Event Data
Missing Event Data
Missing Event Data
Missing Event Data
Missing Event Data
Missing Event Data
The following two tabs change content below.

Eva M. Porto

Dende que a súa nai e o seu pai lle regalaron o libro dos por ques, decidiu que sería a nena que buscaría sempre os porqués. Estudou o Grao en estudos do galego e do español na Universidade de Vigo e no 2016 comezou o Grao de Periodismo na Universidade Europea Miguel de Cervantes. Aprendou o “oficio máis bonito do mundo” en Radio Vigo, Diario de Pontevedra e Onda Cero Ourense. Protestando dende 1993.
X