Sen bolsa, por favor

A psicóloga madrileña Ana Minué vive desde hai catro anos en Galicia, terra da que está profundamente namorada. Cóntanos que comezou a coser coa axuda da súa avoa e esta afección acabou converténdose na súa marca de bolsos: Quesiquierehbolsa (QSQB).

Esta marca reflicte a capacidade de Ana de atopar beleza e inspiración no que a rodea: os paseos, o cinema, a música, os libros, a moda e a rutina diaria da xente. Para confeccionar os seus bolsos, a deseñadora usa teas recicladas que vai atopando e fai moitas visitas a Retales Lida, unha tenda de toda a vida grazas á que pode encontrar materiais únicos para reutilizar ao tempo que apoia o comercio local.

QSQB reivindica o artesanal, o feito con agarimo e o próximo, así como tamén unha forma de consumo distinta e consciente. Entre os produtos que ofrece por encargo ou en coleccións cápsula atopamos bolsos, bandoleiras, fundas para computadores portátiles e ata para libros. Na súa web qsqb.es podemos ver os seus deseños orixinais e coloridos e os seus estampados para todos os gustos. Leva sempre enriba o teu Quesiquierehbolsa e non volvas pedir unha bolsa de plástico no súper!

@quesiquierehbolsa

The following two tabs change content below.

• Bio
• Últimos posts

Estela Gómez

Estela naceu no 1992 preto do mar. É filóloga, escritora e correctora literaria, amiga do analóxico, a cultura e a moda vintage. No 2021 foi unha das dez escritoras seleccionadas da Residencia Literaria da Cidade da Cultura dirixida por Javier Peña. No 2025 publicou a súa primeira novela. Poderás atopar a Estela na biblioteca, no cine, no museo, no teatro, nun concerto ou no centro da cidade lendo un libro ao sol.

Últimos posts de Estela Gómez (ver todos)

• Sen bolsa, por favor - 18 Abril, 2025
• Tikismikis: cerámica con esmero - 13 Marzo, 2025
• Norat crochet, na cabeza coas mans - 21 Febreiro, 2025
• Volve escribir a man con Panda Bohème - 18 Decembro, 2024
• Nove ideas de regalo local - 5 Decembro, 2024