UVIGO
CAMELIAS NADAL

Lotería Sagitario

Publicado o por

Un deses comercios que levan toda unha vida formando parte da vida o barrio é a Administración de Loterías n.º 10, denominada Sagitario. Concretamente desde 1969, cando a nai de Raquel Vázquez, a dona actual, decidiu abrir este negocio nun pequeno local da rúa de Urzaiz, no que hoxe é a zona cero da peonil, pero que daquela non se podía nin imaxinar.

Cando chegaron os ordenadores e empezaba a quedar sen espazo, mudouse a escasos metros, concretamente ao número 6 da rúa da Cruz Branca. A última viaxe foi en 2014, cando volveu percorrer uns poucos pasos para chegar á situación actual, na esquina das rúas de Urzaiz e de Cataluña, á beira da praza de abastos. Un amplo local moi ben situado que polas mañás loce colas de xente, especialmente durante a temporada de decembro.

«Nós iniciamos a campaña de Nadal xa en xullo, mesmo antes que o alcalde», chancea Raquel, que substituíu a súa nai cando esta se xubilou en 2008. Xusto un ano antes, esta administración repartía un quinto premio da Lotería de Nadal, de a 9,25 millóns de euros. Ese mesmo ano tamén se selou un premio do Euromillóns. «Vendes ilusión; o que queres é repartir premios e ver a xente feliz», afirma a responsable.

Tamén se ofrece o que se chama a lotería viaxeira, é dicir, boletos doutros puntos do Estado. A máis demandada este ano, como era de esperar, é de Valencia, que aínda non se recibiu por mor das circunstancias en que se atopan moitas das administracións da zona. Esperemos con ilusión.

Rúa de Urzaiz, 191 | 986 27 69 17 | loteriasagitario.com

REVISTA NADAL
The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.
My LinkedIn profileMy Vimeo channel

Últimos posts de Pablo Vázquez (ver todos)