CAMELIAS MASCOTAS

Sanny: cantautora comprometida

Publicado o por

Sandra Gómez, o nome que se agocha tras Sanny, mantén viva a chama do folk combativo e intimista. Cun pé nos primeiros anos de Bob Dylan e no Nebraska de Bruce Springsteen, e con outro en artistas indie contemporáneas como Phoebe Bridgers e Sharon Van Etten, desenvolve o seu particular estilo compositivo e interpretativo desde o 2012 entre Vigo e Santiago.

En Preston (Reino Unido), ademais de estudar elementos relacionados coa música e sociedade dos Estados Unidos, percorreu cada semana os micros abertos dos locais da cidade (The Ferret foi o máis habitual). Será á volta cando grave o seu primeiro traballo discográfico, Loners Downtown (2019), un EP de cinco temas que bailan entre o folk e o indie. Nos últimos meses publicou dous novos temas, ’25’ e ‘Bird in a Cage’, esta vez acompañada por unha banda de músicos locais.

Foto: P. Vázquez
Foto: P. Cermeño

Este texto procede do libro Son da cidade (Galaxia, 2022), con textos de Pablo Vázquez e ilustracións de Denis Carballás. Preme aquí e consigue un exemplar!

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.