CAMELIAS MASCOTAS

A mellor comedia chega a Vigo da man de Etiqueta negra

Publicado o por

A promotora galega Etiqueta Negra volverá encher os escenarios de Vigo do mellor humor. Cómicos como Ignatius Farray, Juan Amoedo, Canco Rodríguez, Kike Pérez e Santi Rodríguez farán rir ao público vigués este outono.

Ao longo de dúas décadas de traxectoria, a promotora galega Etiqueta Negra levan e traen grandes espectáculos humorísticos para nos facer rir sentados en butacas. Sen ir máis lonxe, este ano programaron uns 400 eventos por todo o Estado. Luis Piedrahita, Berto Romero, Dani Rovira, Ledicia Sola, Eva Soriano ou Javier Veiga están entre a nómina de artistas representados por esta empresa, que tamén organiza o Encuentro Mundial de Humorismo na Coruña, co que conseguiron xuntar 18.000 persoas na edición de 2019.

REVISTA NOVEMBRO

En Vigo, este outono volven encher de risas o Teatro Afundación. O venres 14, Ignatius Farray chega co espectáculo La comedia salvó mi vida; na hora e tres cuartos que dura esta peza de stand up, o humorista canario conta vivencias e opinións coa fe de que, tarde ou cedo, a risa acabe por chegar. No mesmo teatro de García Barbón, o cómico sevillano Juan Amoedo, artista novel que se fixo famoso con vídeos gravados no seu cuarto, vén disposto a demostrar con que vivimos nun mundo que se sustenta na mentira e que desde ben pequenos somos enganados, predicando co espectáculo Avangelio, o venres 29. Desde Málaga, Canco Rodríguez aterra o venres 23 no teatro da rúa de Policarpo Sanz afirmando que El rock and roll ha muerto; cun enérxico espectáculo dirixido por Víctor Conde, o humorista andaluz fai un percorrido desde as orixes do rock nos Estados Unidos. Xa no mes de novembro, a promotora convídanos a rir sen parar o venres 18 co show de Kike Pérez na coctelería Sinatra e o sábado 26 co Espíritu de Santi Rodríguez no Teatro Afundación.

PROGRAMACIÓN:

14 de outubro – Ignatius Farray ‘La comedia salvó mi vida’
23 de outubro – Canco Rodríguez ‘El rock and roll ha muerto’
29 de outubro – Juan Amoedo ‘Avangelio’
18 de novembro – Kike Pérez
26 de novembro – Santi Rodríguez ‘Espiritu’

The following two tabs change content below.
My Twitter profileMy Facebook profileMy LinkedIn profileMy Instagram profile

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.