CAMELIAS MASCOTAS

Gonzalo Suárez debuta cun documental sobre a súa propia historia

Publicado o por

O director do Festival de Cine Inclusivo de Vigo (VIIFF), Gonzalo Suárez, estreou o pasado outubro o seu documental A cero.5 na SEMINCI, a Semana Internacional de Cinema de Valladolid. Nesta longametraxe fala do accidente que o deixou en cadeira de rodas e do baloncesto, o fío conductor do filme. Charlamos con el días antes do debut. Agora o documental pode verse en Filmin.

Fotograma do filme, con Gonzalo á esquerda | Cedida

“Gonzalo Suárez Garayo quere ser director de cinema. En novembro de 2006 a súa vida párase. E comeza a historia da súa longametraxe”. Así empeza a sinopse de A cero.5, un documental que terá a súa estrea este sábado 23 na SEMINCI vallisoletana: “Vai ser unha toma de contacto para ver como respira a película, pero a súa estrea non será ata 2022”, comenta o director.

REVISTA NOVEMBRO

Poucos días despois do accidente, Gonzalo xa tiña este proxecto na súa cabeza, que se dilatou no tempo ata o 2017. “Antes de 2006 eu facía curtametraxes de ficción e quería dirixir. Despois da lesión medular decidín filmar este documental para intentar sacar algo positivo desta merda e rexistrar todo o proceso dun modo distinto”, lembra Gonzalo.

Empeza a practicar baloncesto en cadeira de rodas para non estar só, para seguir a súa rehabilitación que o Estado dá por acabada, e para que a súa película avance. E aí cando se cruza no seu camiño o Amfiv, o famoso equipo vigués de basket adptado: “Comecei a adestrar e a convivir con eles e desta maneira empezaron a formar parte da miña historia. Seguinos durante dúas tempadas (2009 e 2017) con oito anos diferenza entre ambas”, explica Suárez.

No equipo técnico vemos nomes coñecidos do cinema local como son Paula Cons no guion e Noemi Chantada na fotografía, ambas participantes tamén en diferentes edicións do VIIFF: “Xa as coñecía de antes da súa participación no Festival, pero non tan intimamente. Levan uns catro anos traballando comigo na película”, indica o realizador, quen pretende presentar o filme en diferentes festivais antes da súa estrea en Vigo.

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.