CAMELIAS MASCOTAS

Ledicia Costas tece a historia de Memi para a Fundación Igualarte

Publicado o por

La misión Extraterrestre de Memi é o título do libro que a Fundación Igualarte acaba de publicar, feito por e para os nenos. Escrito por Ledicia Costas a partir das ideas dos cativos e cuxa recadación irá destinada a Asociación Da Man.

REVISTA NOVEMBRO
De esquerda a dereita, Pati Blanco director de comunicación de El Corte Inglés de Vigo, a escritora Ledicia Costas, Pilar Martínez directora da ONG Da Man, Adrián Salgado director de marketing de Zelnovia Zeltia e Marcos Estévez director da Fundación Igualarte.

A Fundación Igualarte preguntou a cativos de trece centros educativos de Vigo e a súa área que viaxe farían con Memi. A partir das miles de ideas esbozadas polos pequenos a escritora viguesa Ledicia Costas teceu A misión extraterrestre de Memi. A propia autora explica que este é un “traballo colectivo e que foi moi bonito poder ver a realidade a través dos ollos dos nenos”. Marcos Estévez, director de Igualarte, sinala que o libro non vai só dirixido ao público infantil “os adultos poderán reconectar a través de Memi co seu neno interior e recuperar esa frescura para ver as cousas”.

O libro xa se pode atopar na libraría de El Corte Inglés, no posto da Editorial Elvira no mercadiño de Nadal da Alameda ou na propia fundación por un prezo de 10 euros. Tal e como explicou Estévez “Memi nace dos nenos e volve aos nenos”, pois os cartos recadados irán para a Asociación Da Man que desenvolve varios proxectos sanitarios e educativos en Senegal. O proxecto Memi naceu no 2018 e este é o segundo libro editado por Igualarte grazas ao apoio económico de Zelnovia Zeltia. Agardan poder darlle continuidade e editar novos contos no futuro.

Este Nadal que mellor que regalar Memi? Unha viaxe ao noso neno interior a través da creativa mirada dos centos de nenos vigueses que participaron desta iniciativa solidaria.

The following two tabs change content below.
My Twitter profileMy Facebook profileMy LinkedIn profileMy Instagram profile

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.