CAMELIAS MASCOTAS

Aires renovados na XVII Festa do Marisco

Publicado o por

Os días 5, 6 e 7 de setembro terá lugar a XVII Festa do Marisco de Vigo. Unha feira gastronómica que leva desde 2002 achegándonos ás labores do Porto de Vigo e ao produto da nosa ría. A edición deste ano vén impulsada por un cambio e unha mellora na imaxe que foi elaborada polo artista Luis Davila.

  • Unha ración de nécoras, unha das opcións desta feira gastronómica.

A Festa do Marisco do 2019 foi organizada por Juan Novoa, fillo de Lopez Novoa que xunto con Tino Pires crearon esta feira e que xa vai a pola súa décimo séptima edición. J. Novoa quixo innovar a festa dándolle un toque humorístico e xovial a cargo do gran Luís Davila. O artista, unha figura ben recoñecida na cidade, afirmou que quería abordar este proxecto con alegría e sobre todo con moito humor.

REVISTA NOVEMBRO

A feira gastronómica do Porto de Vigo contará cunha ampla variedade de produtos da ría que achegarán aos vigueses e visitantes a degustar a calidade das Rías Baixas acompañado dun viño das adegas Pazo de Villarei ou mesmo dunha Mahou. Unha Festa do Marisco que sobre todo, o seu principal obxectivo é achegarse á mocidade e ás familias, por iso contará cun apartado infantil con actividades para os máis pequenos da casa. A representante da Xunta de Galicia, Corina Porro, engadía a isto último que é moi importante que se manteña o costume e que esta festa pase de xeración en xeración.

17 anos de festa, 17 anos de cultura gastronómica e que esperan que poidan cumprirse outros 17 anos máis, así aseguraba un dos representantes do Porto de Vigo. Con humor, mocidade e moitas ganas, aproxímase a data desta nova Festa do Marisco producido por Vigo Mar e Cen Palabras que achegará tanto aos galegos como visitantes a coñecer as Rías Baixas nun dos portos máis importantes de Europa.

A inauguración oficial será o venres ás 12:30 do mediodía, co pregón do humorista Xosé Antonio Touriñán. A partir das 20:00 haberá obradoiros de chapas, maquillaxe ou globoflexia, precedendo á actuación do grupo Club Naval. A festa continuará o sábado coa charanga A cabeza non para, cos xogos e obradoiros infantís e os concertos de Algarabía e Os Ciclóns. O domingo, tras as charangas, os xogos e talleres, pechará a festa a actuación da Asociación folclórica e cultural Andarela. De venres a domingo haberá xogos tradicionais ininterrumpidamente desde as 12:00 ata as 20:00.

O cartel desta edición, deseñado por Luis Davila.

(GMT+01:00) Porto do Berbés

The following two tabs change content below.
My Twitter profileMy Instagram profile

Uxia Soliño

Iniciou os seus estudos na Filoloxía Hispánica na USC pero abandonouno cando se deu conta que a súa vocación era o mundo audiovisual. Estudando Comunicación Audiovisual na UBU e compatibiliza con UBURadio, onde dirixe e locuta Que me estás cantando. Escribiu o guion da curtametraxe 3:03 que foi galardoada a Mellor Curtametraxe de Ficción no Festival Creando 2019. Amante da fotografía, da radio, da música, dos seus e dos cans. De maior quere ser como Ángel Carmona ou Wilma Lorenzo aínda que se conforma con ser ela mesma, é fan da música e dos concertos improvisados na ducha.