BIBOPALULA

1.500 firmas contra o peche de Vigosónico

Publicado o por

O local de ensaio público é unha das vítimas máis recentes da pandemia, logo de que o Concello decidise non manter o acordo que ten co espazo. Esta decisión deixa a unhas 90 bandas viguesas, na súa maioría formadas por adolescentes e mozos, sen local de ensaio. Unha campaña online está recollendo firmas pedindo a súa reapertura.

A través da plataforma Change.org, o usuario Angel G.G. iniciou hai dúas semanas unha recollida de firmas coa intención de levalas ao Concello e reclamar a reapertura de Vigosónico, un dos centros culturais máis importantes para a mocidade viguesa. Vigosónico é especialmente coñecido por poñer a disposición dos mozos entre 13 e 30 anos salas de ensaio gratuítas, nas que practicaron e naceron moitas das bandas que forman o rico panorama musical da nosa cidade e que hoxe en día acolle 90 formacións xóvenes.

O popular espazo de lecer e formación conta con cinco salas de ensaio equipadas con batería, amplificación e microfonía, unha sala para DJ e un estudo de gravación, así como diferentes espazos para xuntanzas e obradoiros. O seu peche supón un duro golpe para as bandas de adolescentes, que non poden permitirse o aluguer dunha sala de ensaio privada e que xa viron mermadas as súas opcións tras o peche do centro xuvenil do Castro hai seis anos.

Os motivos para non renovar o acordo entre Concello e Atlantic Ponte, a empresa xestora do espazo, achácase desde o cabido á imposibilidade de manter as medidas anticovid no espazo. O argumento é rechazado pola comunidade usuaria que, tal e como se expresa no manifesto exposto en Change.org, estiman que “hai maneiras e protocolos que poderían servir para seguir mantendo a actividade de VigoSónico, aínda que sexa con limitacións de aforo, ou algunhas restricións, pode crearse un plan de prevención que funcione” e apelan á vontade política para levar a cabo a batería de medidas que convertan o centro cultural nun espazo seguron e eviten o seu peche. A campaña xa 1.444 firmas, das 1.500 que se marcou como obxectivo.

REVISTA XUNHO

The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Recollida de firmas para a creación dunha canle Xabarín Club 24h
  2. O Galo do Vento abre unha campaña de micromecenado para evitar o peche
  3. Imos deixar que Sargadelos peche?
  4. Únete á loita contra o cancro de mama na VI Vigo Contra el Cáncer