bannerConfinarte
bannerSGPL

Xa chegou San Brais 2020!

Fíxose esperar, pero por fin xa está aquí San Brais. Aínda que algúns xa levan unhas cantas semanas a celebralo, o día grande será este luns día 3, así que preparade o instrumento e achegádevos a parroquia de Bembrive, onde de seguro non faltarán a música, o viño e o cocido.

Aínda que moitos dos furanchos da zona xa levan unhas semanas abertos e proporcionando comida, bebida e música aos seus clientes, esta fin de semana, e especialmente o luns día 3 de febreiro, persoas de toda a comarca achegaranse a Bembrive para gozar dunha das grandes festas do ano.

Como non só de viño e cocido se vive, nos furanchos atoparemos máis variedade gastronómica, como tortilla, chourizo, croquetas, orella, callos, zorza, licor café, crema de bagazo… a prezos moi asequibles. Ademais, aínda que todas as rúas estarán ata arriba de música popular improvisada, cada vez é máis habitual que os propios locais contraten a bandas de todo tipo (folk, rock, músicas balcánicas, batucadas…) para amenizar as comidas e as ceas.

Esta é a lista completa de todos os furanchos que atoparedes en fucnionamento estes días:

  • María
  • O Castelo
  • A Blasa
  • Os da Rianxeira
  • O Bombeiro
  • Toma Ya!
  • Endulza tu vida
  • O Neno
  • O Pataquiño
  • Chicha
  • Celtas
  • Do Medio
  • A Cabaña das Meigas
  • O Submarino
  • O Alboio de Correa
  • Baraiocas
  • Dos Falperros
  • O Chivo
  • A Botica de Toñito
Compartir
X