bannerRevistaOnline

Vigo Cidade de Cor suma 15 novas medianeiras para este 2021

O programa de arte urbano Vigo Cidade de Cor suma e segue. Esta sétima edición incorpora 15 novos murais, polo que a nosa cidade sumará 150 obras ao aire libre. Ademais, presentouse nun acto no Museo MARCO un vídeo resumo da pasada edición.

Mural de Louis Lambert, realizado na rúa de Urzáiz en 2018 | P. Vázquez

O programa municipal de medianeiras está en marcha na urbe desde o ano 2015 e leva realizadas arredor de 133 intervencións en espazos urbanos. Unha iniciativa que desde A Movida seguimos de preto, como podes consultar nos seguintes artigos de 2018, 2019 e 2020. Tamén dedicamos desde o comezo unha sección da nosa revista, da man de Juan Teixeira, a coñecer máis sobre cada unha destas obras tan singulares.

Banner A Movidiña

Cun orzamento de 243.000 euros ao que se suman 100.000 euros máis para actividades educativas, este ano engádense 15 novos murais á xa longa lista de medianeiras tuneadas. A iniciativa continúa levando arte a multitude de barrios e espazos da cidade: de Teis a Alcabre, de túneles a colexios.

Estes son os nomes dos artistas e dos muros que cubrirán de cor: AEC Interesni Kazki na Rúa José Fiaño Señor, 12; Elisa Capdevila en Travesía de Vigo, 85; SAN (Daniel Muñoz), en Paulino Freire, 1; Expostas (Vanesa Álvarez, Lorena Arévalo, Cristina Navia e Susana Maceiras), en Mestre Chané, 9; Honey (Miguel Cajaraville), Beiramar, 115; ARYZ (Octavi Arrizabalaga) en Pablo Iglesias, 20; Xoana Almar no CEIP Emilia Pardo Bazán; Taquen en Avenida Balaídos, 31; Fundación Igual Arte, no muro Urbanización Sotavento (Paseo de Bouzas); Amaia Arrazola no Pavillón Carballal; Ana Taratiel no IES O Castro; Dispersa (Alejandra Tomei) nas escaleiras Quintela en Castelao; Roberto Argüelles no Muro CEIP Mestres Goldar; Davida (David Amoedo) nas escaleiras de Seara e The Caver (Nuno Barbedo) nas escaleiras de Hispanidade.

A continuación, o vídeo resumo da pasada edición obra do estudio Santamarta:

X