Vigo Arrólate volve este outono con decenas de actividades
Este outono volve Vigo Arrólate, actividade promovida pola Concellería de Normalización Lingüística na que pequenos e pequenas poderán gozar cos numerosos contacontos que percorrerán os barrios da cidade ata xaneiro do ano que vén.
Vigo Arrólate é unha proposta de dinamización da lingua galega a través de contos e música, para que as crianzas e as súas familias poidan gozar de contos e música na nosa lingua. Nesta ocasión tamén achegan actividades formativas en lingua galega para axudar ás familias na crianza e para estimular as nenas e nenos no seu coñecemento do mundo.
Un total de 29 actividades impartidas por 10 artistas e profesionais galegos que farán as delicias dos máis pequenos. Estes músicos, contacontos, pedagogos, psicólogos e animadores serán Raquel Queizás, Cé Orquestra Pantasma, María Paredes, Luís Prego, Bea Campos, Lidia Folgar, Sara Pena, Raquel Bello, Pablo Díaz e Mai Lúa e Noite. A lista de lugares que percorrerán tamén é ben ampla: o Verbum, o Instituto Municipal de Educación (IME), Navia, a Casa da Xuventude, A Laxe e Pizarro.
A continuación vos deixamos todos o eventos desta actividade, que rematan o 4 de xaneiro: