REVISTA MARZO

Todas as actividades do Magosto vigués

Como cada novembro, Vigo énchese de castañas asadas, actividades e xuntanzas para celebrar o Magosto, unha festividade de orixe celta de gran calado na nosa cultura.

As castañas asadas son o alimento máis típico do Magosto

Unha das mellores cousas da chegada do outono é a chegada das castañas asadas, co seu característico cheiro e sabor. Por iso, esta fin de semana e a seguinte haberá diferentes xuntazas ao longo da xeografía viguesa con fin de celebrar o Magosto, unha das festas máis arraigadas na cultura galega.

Nos días comprendidos entre o 1 de novembro (Todos os Santos) e o 11 de novembro (San Martiño) ou en datas próximas, adóitase celebrar esta festa onde non faltan as castañas asadas no lume, o viño novo e os chourizos.  É común pintar a cara coa cinza das fogueiras ou saltar o seu lume,  así como realizar diferentes xogos tradicionais, contar contos e cantar cancións populares.

Banner A Movidiña

O venres 9 de novembro haberá magosto en Lavadores e o sábado 10 en diferentes barrios da cidade como Valadares, Candeán, Beade, Cabral, Carregal, Coruxo e o Berbés. Todos terán en común unha morea de castañas asadas, música e moi bo ambiente. Os choripáns e o viño seguro que non van faltar tampouco. Para a próxima semana teremos magostos no Colexio Mosteiro e na Praza da Industria o venres 16 e no Val do Fragoso, no Mercado de Teis e en Cabral o sábado 17.

Pero non só de comida vai o Magosto, xa que desde a Concellería de Normalización Lingüística propoñen unha serie de actividades para nenos e nenas sobre o Samaín e o Magosto, mediante contacontos con Raquel Queizás, Miguel Ángel Diz, Contofadas e Mailúa.

Se ves que se nos esqueceu algunha data deste magosto, fáinolo saber a través de eventos@amovida.gal 

(GMT+01:00) AVCD de Lavadores


(GMT+01:00) CRAC de Coruxo


(GMT+01:00) UVCD Candeán


(GMT+01:00) CVC Valladares


(GMT+01:00) Carregal (Valadares)


(GMT+01:00) Plaza do Berbés


(GMT+01:00) Centro Cultural de Beade


(GMT+01:00) Praza Eugenio Fadrique


(GMT+01:00) CEIP Mosteiro Bembrive


(GMT+01:00)


(GMT+01:00) AVV Val do Fragoso


(GMT+01:00) AVCD de Cabral