bannerEspazoFest
Banner OSDC

Soga e Cinsa, Aporía Escénica

Posted on by

Banner A Movidiña

O novo espectáculo de Aporía Escénica , vehículo expresivo da directora, dramaturga e intérprete Diana Mera, estréase en Vigo. Soga e Cinsa é un tríptico renacentista que aborda a caza de bruxas en Europa entre os séculos XV e XVII. Horror, humor, reflexión, danza e plasticidade son só algunhas das apócemas coas que reclamar xustiza polo xenocidio daquelas mulleres. Sobre as táboas, un elenco de 11 actrices: Nerea Brey, Sonsoles Cordón, Raquel Oitavén, Marta Pérez, Merche Pérez, Rosa Puga Davila, María Roja, María Salgueiro, Nuria Sotelo, María Tasende e a propia directora.

A non perder este conxuro teatral programado pola incombustible Marta Núñez, artífice de que as artes escénicas da nosa cidade sigan desenvolvéndose nos espazos públicos con relativa normalidade e total seguridade para a saúde da audiencia.

Data e hora: venres 19 e sábado 20, ás 20.00 h
Lugar: Aditorio do Concello
Entrada: 8,00 €

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.
X