REVISTA MAIO

‘ReVolta’, de Juanito y Filomena

Quen nos pode asegurar que as pinturas rupestres foron feitas única e exclusivamente por homes? Porque, abofé, se só as pintasen eles, o que habería na fría e inerte pedra das cavernas serían debuxos de pirolas. ReVolta é unha reinterpretación feminista da Historia en clave de humor

Juanito y Filomena, o novo proxecto teatral das creadoras Arantxa Treus e Rocío Romero, presenta ReVolta, unha reinterpretación feminista da Historia en clave de humor. Ambas as dúas intérpretes danlle a volta ao relato oficial desde a comedia subversiva, devolvéndolle a voz a todas aquelas mulleres silenciadas polo poder patriarcal. A peza cuestiona, ao longo de diferentes momentos históricos, a sociedade machista en que fomos criados, deténdose con aquela mulleres de especial relevancia na formación e consolidación do movemento feminista.

Acompañando ás intérpretes na súa primeira viaxe como compañía están o técnico de son Álex Gayoso, que vai xerando a atmosfera sonora da peza ao vivo; as escenógrafas Carmen Casal e María Torres; Álex Sobrino como iluminador; As Dúas e Punto, encargadas da parte visual e estilística; e Irene Moreira, directora da montaxe.

Se queremos que non nos conten o mesmo conto de hai un millón de anos, podémonos achegar ao Auditorio Municipal do Concello de Vigo para observar o pasado, o presente e o futuro da humanidade desde unha perspectiva nova; a ollada libre de mulleres valentes.

Data e hora: venres 10 e sábado 11, ás 20:00 h

Lugar: Auditorio Municipal

Entradas:10,00 €

The following two tabs change content below.

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.