Pin Factory, aprendendo o oficio da moda
O que empezou como unha escola de corte e confección iniciada hai tres décadas por Beatriz Novas é agora un centro de formación específica en Deseño de moda, cuns estudos superiores de tres anos que abranguen o coñecemento necesario para traballar no sector téxtil, e outros cursos monográficos.
![](https://amovida.gal/wp-content/uploads/2022/09/U34A2229.jpg)
![](https://amovida.gal/wp-content/uploads/2022/09/U34A2279.jpg)
Pin Factory é un centro de formación específica en estudos de Deseño de Moda e en todas as disciplinas que conforman o perfil profesional, técnico e creativo, máis demandado polas empresas do sector Téxtil e Moda. O seu sistema formativo ten como obxectivo principal desenvolver as capacidades e habilidades do alumnado, conxugando en todas as materias un enfoque técnico e creativo.
Os estudios superiores en Deseño de moda comezan en outubro e preparan ao alumnado exhaustivamente para o eido laboral mediante materias como Comunicación, Confección, Deseño, Edición, Estilismo, Fotografía, Ilustración ou Patronaxe. Ao longo de tres anos aprenderás conceptos teóricos e prácticos para elaborar proxectos coherentes, complexos e que expresen as túas inquietudes sociais, estéticas, vitais, políticas, éticas e medioambientais. Desde Pin Factory apostan polo diálogo contínuo con profesionais doutros eidos, como a socioloxía, psicoloxía, antropoloxía, arquitectura ou enxeñería. Traballarás con todas as ferramentas gráficas, manuais e dixitais, que che permitirán unha correcta comunicación das túas ideas.
![](https://amovida.gal/wp-content/uploads/2022/09/IMG_20220310_133528.jpg)
![](https://amovida.gal/wp-content/uploads/2022/09/modelo-Fabiana.jpg)
Outras alternativas formativas son o curso intensivo anual ou os monográficos cunha duración de entre 20h e 40 h de Creación dixital de estampados, Dirección de arte e fotografía paras redes sociais, Iniciación á fotografía artística, Patronaxe experimental ou Presentación dixital de coleccións. O centro ofrece unha visión de 360 graos dun mundo tan cambiante como é o da moda, en que o manual e o dixital van da man para chegar a un público moi heteroxéneo.
Un sábado ao mes organizan charlas con profesionais do mundo da moda para falar do seu traballo, percorrido e experiencia. Inauguran este ciclo o sábado 24 de setembro con Aroa Veiga, experta en patronaxe e asistente do recoñecido patronista xaponés Shingo Sato, especialista en técnicas de patronaxe creativo e experimental, durante varios anos.
![](https://amovida.gal/wp-content/uploads/2022/09/pf-1024x713.jpg)
Rúa do Padre Ramón María Aller, 4 | pinfactory.es | 986 43 72 68 | info@pinfactory.es | @pinfactory_
Pablo Vázquez
Últimos posts de Pablo Vázquez (ver todos)
- A viguesa Vanesa Álvarez inicia en Coia un mural de 2400 metros cadrados coa axuda de 170 voluntarios - 23 Xullo, 2024
- Dez libros para coñecer Galicia - 22 Xullo, 2024
- Oito espazos museísticos participan este venres 26 na Noite Branca - 19 Xullo, 2024
- Ed Sheeran bástase el só para coroar o Monte do Gozo - 7 Xullo, 2024
- O Vigo SeaFest volve encher o Náutico de música, gastronomía e actividades mariñas - 2 Xullo, 2024