RevistaOutubro

O Mar de Vigo vén cargadiño de eventos este Nadal

Hoxe presentouse toda a programación do auditorio Mar de Vigo para este Nadal, na que poderemos gozar cunha ducia de espectáculos e concertos para todas as idades e gustos. Coque Malla, Noites de Retranca, O Rei da Sabana ou O Crebanoces son algúns dos atractivos do auditorio para estas datas tan sinaladas, aos que se lle sumará proximamente o parque infantil de Nadal.

Coque Malla na súa última actuación no Mar de Vigo, o ano pasado | Bea Barros

COQUE MALLA. 13 de decembro.

Tras o seu exitoso concerto do pasado ano, Coque Malla comparece no escenario principal do Auditorio coa súa xira ‘Revolución’, na que presenta o seu novo traballo. O cantante chega cunha nova proposta de espectáculo e musical. E proxéctao desde a súa propia imaxe, con tinguiduras máis radicais para un traballo máis reflexivo e no que dá un paso adiante no simbolismo poético que xa marcaba moitas das súas cancións.

RUBÉN SIMEÓ e a Orquestra Filarmónica 430. 14 de decembro.

Vigués de 1992 e Premio Europeo da Cultura, Rubén Simeó é un dos mellores trompetistas de España na actualidade. Toca regularmente con grandes orquestras e grandes bandas sinfónicas de todo o mundo. Como profesor, impartiu clases maxistrais en países de 4 continentes. Chega acompañado da Orquestra Filarmónica Vigo 430,

O REI DA SABANA. 15 de decembro.

O rei da sabana é un dos musicais preferidos polos máis pequenos. Chega a Vigo en a versión da Asociación Cultural Musical CODA, tamén coñecida pola exitosa adaptación do Musical Shrek, de DreamWorks. Este espectáculo conta cun elenco formado por trece solistas e un coro de máis de vinte voces.

TRIBUTO A THE BEATLES: The Meresey Beatles. 20 de decembro.

En setembro de 2015, The Mersey Beatles bateron o récord das actuacións dos propios Beatles no mítico The Cavern. Xa deran máis de 500 concertos como os artistas residentes do club. O Liverpool Daily Post descríbeos como a banda residente do Cavern Club que recrea a emoción dos Beatles e unha contorna auténtica, mentres o crítico sueco Roger Carlsson asegura que The Mersey Beatles soan en vivo como os verdadeiros The Beatles.

O CREBANOCES. Por Moscow State Ballet. 21 de decembro.

Chega a Vigo un dos mellores ballets rusos. Con máis de 30 bailaríns en escena, esta suntuosa produción do Moscow State Ballet captura toda a beleza e o drama do auténtico ballet romántico, un clásico atemporal que apela a calquera xeración.

ALABAMA GOSPEL CHOIR. 22 de decembro.

Un percorrido intenso desde as cancións espirituais do século XIX, de profundas raíces relixiosas, ata unha homenaxe ás cancións de protesta e marchas pola liberdade. Alabama Gospel Choir está formado por 20 artistas que plasman a historia do Gospel nun concerto único.

NOITES DE RETRANCA. Especial Nadal. 26 de decembro.

O espectáculo galego de humor máis visto de todos os tempos, Noites de Retranca, volve a Vigo por Nadal. Esta vez con Touriñán e Oswaldo Digón, dous cómicos que encheron o Auditorio Mar de Vigo, de persoas e de moitas risas, en ocasións anteriores. Son datas especiais para as Noites de Retranca, e xa non só porque é Nadal. Tamén porque cumpren 10 anos.

LA GRANJA DE ZENÓN. 27, 28 e 29 de decembro.

Chega por primeira vez a España o musical de La Granja de Zenón, a serie infantil de fala hispana máis seguida a nivel mundial. Vigo será a segunda cidade á que traian as súas aventuras, despois de Madrid. Haberá 6 funcións dun espectáculo que xa foi visto en América por máis de 300.000 persoas.

PUZZLE KIDS. 2 de xaneiro.

Puzzle Kids é un concerto diferente, composto por temas musicais archiconocidos de toda a vida e cancións dos personaxes favoritos de nenos e nenas, todas elas con coreografías sinxelas e fáciles de aprender. Os compoñentes do grupo, Seda, Brenda, Yaiza, Alex e Kiko, son cántanos e bailan na gran festa dos nenos.

MARÍA FUMAÇA. 3 de xaneiro.

María Fumaça é un proxecto musical de celebración da vida. Ducias de artistas cantando a alegría de vivir. Uxía, Sérgio Tannus, Magín Blanco, Isaac Palacín, Tanxarina, Carlos Blanco, ou noso Ruí, Familia Domínguez Senlle e moitas amigas e amigos… viaxan xuntos non espectáulo máis festeiro que nunca houbo nin haberá.

O LAGO DOS CISNES. Por Moscow State Ballet. 10 de xaneiro.

Banner A Movidiña

De novo co Moscow State Ballet, unha cativadora historia de amor dun príncipe, unha fermosa nova transformada en cisne polo esconxuro dun bruxo, un engano mortal, a forza da música de Tchaikovski, e un dos máis grandes pas de deux do repertorio do ballet, converten esta representación do Lago dos Cisnes nunha experiencia única.

NOITES DE RETRANCA. X ANIVERSARIO. 11 de xaneiro.

Especial X Aniversario de Noites de Retranca. Con Dani Mateo, David Perdomo e Manuel Manquiña cos Fabulosos Weekend. Cumprir dez anos levando humor e risas por Galicia adiante merecen festexalo. Por primeira vez neste dez anos, Noites de Retranca ábrese a artistas de «había ido» e, para facelo contaremos cun artista retranqueiro como nos… Dani Mateo. Un show con música en directo, a dos «Fabulosos Weekend», e as actuacions de Manquiña, David Perdomo e Dani Mateo

X