O festival Picnic Sesións anuncia un cartel musical 100% vigués
A primeira edición do festival Picnic Sesións, que se celebrará os días 9 e 10 de setembro en Saiáns, xa ten o cartel musical ao completo, e é 100% vigués.
![](https://amovida.gal/wp-content/uploads/2020/08/MoonCresta14.jpg)
![](https://amovida.gal/wp-content/uploads/2021/10/The-Soul-Jacket-8.jpg)
![](https://amovida.gal/wp-content/uploads/2021/03/HighPaw_14.jpg)
![](https://amovida.gal/wp-content/uploads/2019/12/bifannah.jpg)
![](https://amovida.gal/wp-content/uploads/2022/07/AniversarioSales_68.jpg)
![](https://amovida.gal/wp-content/uploads/2022/07/caldo.jpg)
Hai unhas semanas vos informamos do nacemento dun novo festival en Saiáns. Para conseguilo buscaron financiamento a través de subvencións, patrocinadores público e privados e duns eventos chamados Picnic Sesións. Estas xornadas tiñan lugar os domingos na zona verde de Radio Costeira (Baixada á Praia, 83), e alí realizaban actividades para a cativada, chocolatadas, xantares, obradoiros deportivos e concertos. Finalmente, o festival celebrarase nese mesmo espazo os días 9 e 10 de setembro.
A primeira confirmación no apartado musical foi The Soul Jacket, experimentada banda local de soul e rock que vén de lanzar hai ben pouco o seu último disco, K.I.C.K. Radio. O cartel complétano máis artistas vigueses de diferentes estilos: Moon Cresta descargará toda o seu power funk cheo de enerxía; Family Folks afondará na música de raíz americana coa súa mestura de folk, country e garage; High Paw traerá os mellores riddims de reggae e hip hop; Bifannah propoñerá unha viaxe ao tropicalismo brasileiro dos anos 60; e Caldo un redescubrimento do noso propio folclore. Completan o cartel a actuación infantil de Brais das Hortas, coas súas cancións repletas de humor, e Frank Drebins DJ, con picada en vinilo.
Máis aló do musical, Picnic Sesións ofrece actividades para a cativada; gastronomía galega ao puro estilo romaría, nada de comida rápida; e un certame de pintura rápida ao aire libre con nome dun importante artista local. O seu lema é “Natureza, cultura e comunidade”.
Pablo Vázquez
Últimos posts de Pablo Vázquez (ver todos)
- A viguesa Vanesa Álvarez inicia en Coia un mural de 2400 metros cadrados coa axuda de 170 voluntarios - 23 Xullo, 2024
- Dez libros para coñecer Galicia - 22 Xullo, 2024
- Oito espazos museísticos participan este venres 26 na Noite Branca - 19 Xullo, 2024
- Ed Sheeran bástase el só para coroar o Monte do Gozo - 7 Xullo, 2024
- O Vigo SeaFest volve encher o Náutico de música, gastronomía e actividades mariñas - 2 Xullo, 2024