Norat crochet, na cabeza coas mans
A filóloga Sara Norat é a artista detrás de Norat Crochets, unha pequena marca viguesa de accesorios de gancho a medida e utilizando fibras naturais.
Sara Norat é filóloga e traballa no sector editorial, e tras a pandemia volveu á súa Galicia natal logo de sete anos en Barcelona. Podería parecer información irrelevante, pero o universo mental que Sara construíu a través da lectura serviulle de moito á hora de traballar coa cor e as texturas en norat crochets, o seu proxecto de accesorios de gancho realizados á man con fibras de procedencia ética, coma o algodón, a la meiriña e o moher.
Sara iniciouse no labor do gancho durante a universidade porque a súa nai tamén o facía de moza e, aínda que ela nunca lle ensinou, buscaba así conectar co seu pasado. Ademais, calcetar, facer gancho ou coser son saberes tradicionalmente femininos que durante moito tempo non foron valorados, por iso norat crochet quere darlles o lugar que merecen.
A deseñadora galega tenta producir só o necesario, polo que os gorros, bonnets, bufandas, scrunchies e demais complementos se fabrican baixo demanda para cada persoa. Se non queres pasar frío este inverno, visita noratcrochets.com e escribe xunto a Sara a túa propia historia.
Estela Gómez
Últimos posts de Estela Gómez (ver todos)
- Norat crochet, na cabeza coas mans - 21 Febreiro, 2025
- Volve escribir a man con Panda Bohème - 18 Decembro, 2024
- Nove ideas de regalo local - 5 Decembro, 2024
- Triqueta Editora, pequenos grandes lectores - 7 Novembro, 2024
- Newt Crafts, artesanía arraigada - 27 Setembro, 2024